Steam Deck və ROG Ally rəqibi Lenovo Legion Go ötən axşam rəsmi olaraq IFA 2023-də elan edildi. Steam Deck və ASUS ROG Ally kimi bazarda olduqca tanınmş brendlərin əl konsollarına rəqib olacaq Lenovo Legion Go modeli yüksək səviyyəli texniki xüsusiyyətləri ilə diqqət çəkir. Eyni zamanda Lenovo brendinin istehsalı olduğundan erqonomiklik baxımından da rəqiblərini üstələməyi bacarır.
Lenovo Legion Go bu gün bu yüksək tələbatlı məhsullar sırasına daxil olmağı hədəfləyir. 799 avro səviyyəsində olan məhsulun Avropa qiyməti ilk olaraq dəyişdirilə bilən idarəediciləri ilə, ümumiyyətlə kifayət qədər böyük və qalın gövdəsi ilə Nintendo Switch-i ağla gətirir. Texniki cəhətdən desək, 8.8 düymlük QHD+ piksel IPS LCD ekran üzərində qurulmuş 854 qramlıq məhsul bu paneldə 500 nit parlaqlıq və 144 Hz yeniləmə tezliyi təklif edir.
Cihaz AMD imzalı Ryzen Z1 Extreme prosessoru ilə təchiz edilmişdir. Rəqibi ROG Ally kimi yüksək performanslı aktiv fanla soyudulur və 16 GB LPDDR5X operativ yaddaşa malikdir. 256 GB, 512 GB və ya 1 TB M.2 NVMe SSD ilə əldə edilə bilən Legion Go, özünü dik vəziyyətdə saxlayan bir ayağı da daşıyır.
Windows 11 əməliyyat sistemi üzərində qurulan model ikili dinamik sistemi və mikrofonlarla təchiz edilib, iki hüceyrəli 49,2 WHr batareyaya malikdir. Gövdədən ayrıla bilən kontroller batareyaları isə 900 mAh batareya tutumuna sahibdir. Wi-Fi 6E və Bluetooth 5.2-ni dəstəkləyən cihazda iki USB-C portu və 65 Vatt sürətli şarj dəstəyi də var. MicroSD və 3,5 mm slotları əldən verməyən Legion Go üçün satışı tarixi tam dəqiq deyil. Lakin söyləntilərə görə beynəlxalq satışların oktyabrda başlaması planlaşdırılır.
