Avropa elektrikli avtomobillər üçün bütün şəraitləri yaratmağa çalışır. Belə ki, yeni qərar ilə avropada hər 60 km-dən bir sürətli şarj stansiyası quraşdırılacaq. Daha əvvəl də avropa elektrikli avtomobillərin istehsalının asanlaşdırılması ilə müəyyən addımlar atmışdı. Ümumiyyətlə avropa 10 il ərzində dizel və benzin mühərrikli avtomobillərdən imtina edərək karbon emissiya etməyən elektromobillərə keçid etmək istəyir. Təbii ki, bu məqsədə çatmaq üçün əvvəlcə müəyyən tədbirlər görmək lazımdır. Məhz bunun üçün də avropa ilk addımlardan birini atıb.
Yeni qərara əsasən Avropada sürətli elektromobil şarj stansiyası çoxalacaq. Hətta yollarda hər 60 km-dən bir bu şarj stansiyalarına rast gəlmək mümkün olacaq. Qeyd edək ki, qərarın icra olunması üçün 2025-ci ilə qədər vaxt verilib. 2025-ci ildən etibarən isə yollarda elektromobillərin məsafə probleminin aradan qaldırılması üçün ən azı 150 kVtgücündə enerji ötürə bilən şarj stansiyaları quraşdırılacaq. Hazırda avropada bu şarj stansiyaları məhdud saydadır. Yəni bəzən elektromobil istifadəçiləri məsafə problemi ilə qarşılaşırdılar. Həmçinin hazırda quraşdırılan bir çox şarj stansiyası sürətli deyil. Bunun üçün istifadəçilər saatlarla elektromobilin şarj olmasını gözləmək məcburiyyətində qalırdı.
İndi isə ağır yük maşınları üçün minimum 350 kVt gücündə olan enerji stansiyaları trans-avropa magistralında hər 60 km-dən bir quraşdırılacaq. Minik avtomobillər üçün isə bu rəqəm sadəcə 150 kVt təşkil edir. Hətta yeni qərara əsasən 2030-cu ilə qədər bu şarj stansiyaları bütün avropa yollarında hava limanlarında, şəhərlərdə və digər ərazilərdə quraşdırılacq. Bu isə gələcəkdə elektrikli avtomobil bazarının daha da canlanmasına və 0 karbon emissiyalı avtomobillərin avropada daha çox istifadə olunmasına səbəb olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
