Milyonlarla aktiv istifadəçi kütləsinə malik olan Google kiberhücumlara qarşı çox sadə həll yolu taparaq internetdən istifadə etməməyə qərar verib. Belə ki, bəzi Google əməkdaşları kiberhücumlardan qorunmaq üçün internetə çıxışı olmadan işləməli olacaq. Bildiyimiz kimi, müasir dövrdə kiberhücumların həddi-hüdudu yoxdur. Hakerlər kiberhücumlar ilə şirkətlərin məxfi məlumatlarını ələ keçirir pul qarşılığında onu birilərinə satır və ya şirkəti şantaj edir. Təbii ki, bu hakerlərin bir çoxu ifşa olaraq həbs olunsa da, daim yeni hakerlər meydana gəlməkdə davam edir.
Bir çox şirkət kiberhücumlara qarşı təhlükəsizlik tədbirlərini gücləndirsə də, Google kiberhücumlara qarşı çox sadə həll yolu tapıb. CNBC mənbəsinin məlumatına görə şirkətin pilot proqramında iştirak edən bəzi əməkdaşlar kiberhücumlardan qorunmaq üçün internetə çıxış əldə etməyəcək. Yəni istifadə etdikləri kompüterlər şəbəkəyə heçbir halda qoşulmayacaq. Bu isə öz növbəsində məxfi məlumatların hakerlər tərəfindən ələ keçirilməsinin qarşısını alacaq. Əvvəlcə texnologiya nəhəngi işçilər arasında seçim etsə də, daha sonra yeni pilot proqramı üçün könüllülük əsasında işçiləri qəbul edəcək. Bu proqramda isə artıq işçilərdən heç biri internetə çıxış əldə etmədən işləməli olacaq.
Maraqlısı budur ki, şirkətin kompüterləri şəbəkəyə qoşulu olmasa da, əməkdaşlar Google şirkətinin Drive, Gmail kimi saytlarına daxil ola biləcəklər. Lakin digər saytlara və ye internet tələb edən təbiqlərə daxil olmaq mümkün olmayacaq. Əslində Google bu üsulla qəribədə olsa, hakerlərin kiberhücumlarının qarşısını almağı bacarıb. Lakin hələdə internetdən istifadə edən əməkdaşlar şirkətin bəzi məlumatlarını təhlükə altına atır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
