İlk elektromobilini təqdim etməyə hazırlaşan Xiaomi elektromobilinin batareyası barədə məlumatlar ortaya çıxıb. Artıq uzunmüddətdir ki, çinli texnologiya nəhəngi olan Xiaomi elektromobil istehsal etməyə çalışır. Texnologiya sahəsində qısa müddət ərzində lider mövqelərə çatan brendin avtomobil sahəsində necə iş çıxaracağı hərkəsə maraqlıdır. Bundan əvvəl yeni elektromobilin gələn ilin birinci yarısında istehsal ediləcəyi barədə xəbər vermişdik. Hətta çinli brendin ilk mərhələdə 300 min elektromobil istehsal etməsi də planlaşdırılmışdı.
İndi isə Xiaomi elektromobilinin batareyası barədə bəzi maraqlı məlumatlar ortaya çıxıb. Belə ki, çinli mənbənin paylaşdığı şəkilə əsasən elektromobil litium-ion batareya ilə təchiz ediləcək və 139 Ah (101 KVts) həcmə sahib olacaq. Bundan əlavə batareyanın gərginliyinin 726.7 Vatt olacağı və çəkisinin sadəcə 642 kq olacağı ortaya çıxıb. Maraqlısı budur ki, yeni elektromobilin batareyası sürətli şarj xüsusiyyətinə malik olacaq. Ümumiyyətlə daha əvvəl bu tərzdə sızıntılar ortaya çıxmışdı. Hətta ötən aylarda elektromobilin dizaynı və görünüşü əks olunan şəkillər sızdırılmışdı.
Məhz yayılan şəkillər barəsində şirkətin baş icraçı direktoru Lei Jin açıqlama vermişdi. O bildirmişdi ki, yayılan şəkillərdəki elektromobil hələ sınaq mərhələsindədir. Yəni modelin istehsal versiyası daha fərqli dizayna sahib ola bilər. MS11 kod adlı bu elektromobilin gələn ilin 1-cü rübündə istehsal ediləcəyi gözlənilir. Maraqlısı budur ki, yeni elektromobilin bir çox müasir texnologiyaya sahib olacağı iddia olunur. Hətta elektrombilin avtonom sürüş funksiyalarından əlavə LİDAR sensorları ilə təchiz ediləcəyi və Qualcomm, Nvidia imzalı prosessorlar ilə işləyəcəyi iddia olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
