Elm adamları apardıqları araşdırmanın nəticəsində böyük şəhərlərin təhlükədə olduğunu bildiriblər. Belə ki, Nature Communications Enginering jurnalında dərc olunan yeni araşdırmaya görə böyük şəhərlərdə torpaq hündürlüyü 12 mm qalxır. Bu gün dərc olunan araşdırmaya görə yeraltı istilik adaları yavaş-yavaş böyük şəhərləri məhv edəcək. Yeraltı iqlim dəyişikliyi torpaqların, qayaların deformasiyaya məruz qalmasına səbəb olur. Bu barədə Northwestern universitetinin ətraf mühit mühəndisliyi üzrə dosenti Rota Loria qeyd edib.
Rota Loria-nın sözlərinə görə yeraltı istilik adaları sadəcə Chicago şəhəri ilə məhdudlaşmır. Dünyanın əksər böyük şəhərlərində bu problem mövcuddur. Məhz buna görə də qeyd olunur ki, Böyük şəhərlərdə torpaq hündürlüyü artır. Loria və onun komandası Chicago şəhərinin Loop məhəlləsində 150 dən çox temperatur sensorundan ibarət simsiz şəbəkə quraşdırıblar. Bu yol ilə də onlar şəhərdəki yeraltı iqlim dəyişikliyinin infrastruktura təsirini öyrənirlər. Maraqlısı budur ki, bu sensorlar küçələrdə, dayanacaqlarda, metro tunellərində, binaların zirzəmilərində və digər ərazilərdə quraşdırılıb. Sensorlarda əldə edilən məlumata əsasən Loop məhəlləsində yeraltı temperaturlar şəhərdən uzaqda olan Grant Park-ın yeraltı temperaturundan 10 dərəcə daha yüksəkdir.
Beləliklə araşdırma nəticəsində məlum olub ki, şəhərdə bina və tikililərin olduğu ərazilərdə yeraltı temperaturlar parklar və şəhərdən kənarda olan ərazilərdəki yeraltı temperaturlardan təxminən 20 dərəcə daha yüksəkdir. Bu isə öz növbəsində torpağın büzüşməsinə və genişlənməsinə səbəb olur. Yəni bina və tikililər böyük təhlükə altındadır. Tədqiqatçılar 2051-ci ilə qədər bəzi ərazilərdə torpaq hündürlüyünün 12 mm qalxacağını, bəzilərində isə 8 mm çökəcəyini proqnozlaşdırır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
