YouTube platforması hazırda istifadəçilərə təsadüfən düyməyə toxunmamaq və videonu pozmamaq üçün ekranlarını kilidləməyə imkan verən yeni funksiyanı sınaqdan keçirir. Belə ki, şirkət bu təcrübəni YouTube Experiments səhifəsində elan edib. Ekranı Kilidləmə funksiyası ekrana toxunarkək həyata keçirilən bütün funksiyaları söndürür, ona görə də istifadəçilər tam ekran rejimində videoya baxdıqda, videoları istəmədən dayandırmaq, keçmək və ya təklif olunan videonu seçməkdən narahat olmayacaqlar. Yeni funksiyanı test edə bilən istifadəçilər funksiyanı aktivləşdirmək üçün ekranın yuxarı sol küncündə dişli çarx işarəsinə toxuna bilərlər.
Yeni kilid funksiyasını ilk dəfə görən Cord Cutters News mənbəsinin verdiyi məlumata görə, bu yalnız Android və iOS cihazlarında seçilmiş Premium abunəçiləri üçün əlçatandır. Həmçinin YouTube istifadəçilərə funksiyanı sınamaq üçün iyulun 30-dək vaxt verir. İstifadəçilər funskiyanı sınamaq üçün dəvət alıb-almadıqlarını öyrənmək üçün YouTube ana səhifəsinə daxil ola bilərlər. Əslində YouTube platformasının yeni təcrübəsi Netflix platformasının 2020-ci ildə istifadəyə verdiyi funksiyaya bənzəyir. Xatırladaq ki, Netflix platformasının mobil tətbiqi ekran kilidini təqdim etmişdi. Bu da abunəçilərə səhvən videoya davam etmə və dayandırma kimi düymələrin görünməsini qarşısını almışdı.
Həmcinin YouTube platforması hazırda bir neçə başqa funksiyanın sınaqdan keçirir. Bunlardan biri istifadəçilərin reklam bloklayıcılardan istifadə etməsinin qarşısını alan funksiyadır. Hansı ki, bu funksiya istifadəçilərin reklam bloklayıcı olmadan 3 video izlədiyini aşkar edərsə onlara xəbərdarlıq edir. Şirkət həmçinin istifadəçilərə YouTube veb saytı və ya tətbiqi vasitəsilə oyun oynamağa imkan verən funksiyasını da sınaqdan keçirir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
