Yaponiyanın Tech Co şirkəti dünyanın ən kiçik əl kamerası MiniCa modelini təqdim edib. Belə ki, hal-hazırda smartfonlar həyatımızın vacib hissəsinə çevrilsə də, işin suyunu çıxarmağı sevən şirkətlər özlərindən qəribəliklər çıxarmağa maraq göstərirlər. Yaponiyada yerləşən Tech Co şirkəti də cib ölçüsündə dizaynı ilə dünyanın ən kiçik əl kamerası olan MiniCa modelini hazırlayıb. MiniCa öz mühəndisləri tərəfindən AirPod ölçüsündə olan kiçik əl kamerası kimi xarakterizə olunur. Çəkisi cəmi 17 qram, ölçüləri 40x47x36 mm olan cihaz 0,96 düymlük ekrana malikdir.
Xəbərə görə, Minica 1080P təsvir ölçülü videolara və 4K kadrlara imkan verəcək. Bundan əlavə, 180 mAs həcmli batareya tutumu ilə bir dəfə doldurmaqla 60 dəqiqəyə qədər istifadəni mümkün edəcək. Qeyd etmək lazımdır ki, bu yığcam cihaz microSD kart dəstəyinə malikdir. Beləliklə, istifadəçilər çəkilmiş foto və videoları asanlıqla köçürə biləcəklər.
MiniCa tam funksional bir məhsul olsa da, satışa çıxarılmadğını bildirmək lazımdır. Nə vaxt satışa çıxarılacağı təqribi 1 ay ərzində bəlli olacağından qiyməti və digər detallar barədə gözləməli olacağıq.
