Bildiyimiz kimi, Kainat milyardlarla ulduz və minlərlə qalaktikadan ibarət nəhəng məkandır. Milyardlarda yaşı olan Kainatda əvvəllər zaman anlayışı daha fərqli olub. Belə ki, elm adamları 190 kvazarın şüalanmasındakı dəyişikliklərə əsaslanaraq nəticəyə gəliblər ki, kainatın başlanğıcında zaman indiki ilə müqayisədə 5 dəfə daha yavaş olub. Hətta bu barədə Sidney Universitetinin mətbuat xidməti məlumat yayıb. Ümumiyyətlə zaman bənzəri olmayan, açıqlaması mümkün olmayan anlayışdır. Biz zamanı izah etməyə çalışsaq deyə bilərik ki, zaman hər gün əlaqədə olduğumuz və keçmiş, bu gün və gələcək kimi xarakterizə etdiyimiz substansiyadır.
Məşhur alim Eynşteynin sayəsində bizə zaman və məkan anlayışlarının ayrılmaz şəkildə bağlı olduğu məlumdur. Alimlər son 20 il ərzində şüalanma mənbəyi olan 190 kvazarı (ən parlaq kosmik obyektlərdən biri) müşahidə ediblər. Belə ki, yerə şüalar məhz 3-12 milyard il əvvəl gəlib çata bilib. Kvazarlardan gələn pozulmuş şüaları izləyərkən alimlər ortaya çıxarıb ki, kainatda müxtəlif dövrlərdə zaman axını fərqli olub. Yəni zaman 3 milyard il əvvəl yalnız 1-2 dəfə daha yavaş olsa da, kainatın başlanğıcında zaman 5 dəfə yavaş olub.
Qeyd edək ki, hələ 19-cu əsrdə elm adamları Kainatın genişlədiyini və daha da sürətləndiyini olduğunu ortaya çıxarmışdılar. Hətta alimlərə görə Böyük partlayış zamanı kainatda zaman çox sürətli olsa da, daha sonralar zaman nisbətən yavaşlayıb. Bunun əsas səbəbinin isə Kosmosda mövcud olan qaranlıq enerjilər olduğu bildirilir. Xatırladaq ki, SpaceX şirkəti ötən günlərdə məhz qaranlıq maddə və qaranlıq enerjini araşdırmaq üçün kosmosda araşdırmaya başlamışdı.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
