Nubia brendi Red Magic seriyası oyun smartfonları xəttinə yeni model əlavə edib. Belə ki, bu smartfon əslində, Redmi Magic 8 Pro seriyasından çox da fərqlənmir. Öz üslubunu qoruyan Red Magic 8 Pro modeli sadəcə texniki cəhətdən daha güclü imkanlarla yenilənir. Bu imkanlar isə başlıqdan da oxuduğunuz üzrə çox fantastikdir. Çünki, Red Magic 8S Pro modeli tarixin ilk 24GB RAM ilə təchiz edilmiş smartfonu hesab olunur.
Qısaca smartfonu xatırlasaq, smartfonu “monitor” kimi xəyal edən ZTE şirkəti bu oyun smartfonunda tamamilə düzbucaqlı bir gövdə və minimalistik çərçivələrə malik düzbucaqlı ekrandan istifadə edib. Selfi kamerasının da ekran altına gizlədilmiş olması çox estetik bir hissiyat qatıb.
Red Magic 8 Pro seriyası öz gücünü Snapdragon 8+ Gen 2 (Lider Edition) çipsetindən alır. Bu çipset Galaxy S23 Ultra modelindəki çipsetin böyük bir ehtimalla birə-bir eynisidir. Çünki, texniki baxımdan tezliyi 3.36 GHz təşkil edir. Lakin iş performansa gələndə ciddi bir fərq ortaya çıxır. Bu fərq isə Red Magic 8S Pro modelinin lehinədir. ZTE şirkəti smartfona pərli soyutma sistemi quraşdırıb və sistem 20.000 rpm sürətində işləyərək aktiv soyutmanı təmin edir. Buna baxmayaraq 3 ölçülü (3D) 2068mm³ həcmli buxar qazanlı passiv soyutma sistemi və ICE11 adı verilən soyutma texnologiyaları ilə də cihazlar gücləndirilmişdir. Ona görə də cihaz Snapdragon 8 Gen 3 çipsetinin prototipləri ilə bənzər AnTuTu performansına malikdir. Yəni, nəticə tam olaraq 1704113 xal olaraq qeydə alınır.
Xatırladaq ki, cihaz 24GB operativ yaddaşa malikdir. LPDDR5X və UFS 4.0 texnologiyaları ilə yaddaş həlləri dəstəklənir.
Red Magic 8 seriyası BOE istehsalı 6.8 düymlük 120Hz tezlikli AMOLED panelə sahibdir. Sensor tezliyi 960Hz olub çox həssas işləsə də heyif ki, ekran FHD+ təsvir ölçüsünə malikdir. Lakin ekran altı kamera selfi kamerasına sahib olduğu üçün 2K təsvir ölçülü ekranın işlədilməsi biraz çətin ola bilərdi. P3 rəng qamutu və 1440Hz tezlikli DC Dimming (titrəməni minimuma endirir) texnologiyalarını dəstəkləyir. Selfi kamerası isə görüntü keyfiyyətini məhz həmin hissədə sadəcə 6%-ə qədər aşağı salır.
Kamera parametrləri cəhətdən Red Magic 8S seriyası 1/1.57 düymlük 50MP ISOCELL GN5 ilə təchiz ediliv ki, 8MP ultra-geniş bucaqlı və 2MP makro kameraları ilə tamamlanıb. Ön tərəfdə isə ekran altına yerləşdirilmiş 16MP selfi kamerası mövcuddur. Red Magic 8S Pro, 80 Vatt doldurma gücünə malik 6000 mAs batareyaya malikdir və smartfonu 25 dəqiqəyə doldurur. Lakin Red Magic 8S Pro + versiyası da var ki, batareya tutumu 5000 mAs olması ilə fərqlənir və 165 Vatt ilə güc iki dəfə yüksəkdir. Bu halda smartfon 14 dəqiqəyə tam dolur.
Red Magic 8 Pro seriyası oyun smartfonu üçün ən vacib olan 3.5mm qulaqlıqlar və tətiklər ilə həmişəki kimi təchiz edilib. Tətiklərdən ikisi 520 Hz sensor tezlikli qeyri-fiziki, biri isə fiziki bir düymədən ibarətdir. Şəbəkə bağlantısının təkmilləşdirilməsi üçün gövdənin müxtəlif yerlərinə 9 ədəd antena quraşdırılıb.
Red Magic 8 Pro seriyasının qiyməti:
Red Magic 8S Pro modelinin 8-128GB yaddaşa malik variantı 550 dollar, Red Magic 8S Pro+ modelinin 16-256GB həcmli variantı 760 dollar təşkil edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
