Nəhayət ki, Xiaomi şirkətinin alt brendi olan Redmi yeni Redmi Note 12R modelini təqdim etdi. Uzunmüddətdir gözlənilən model 12R Pro modelindən sonra artıq qarşımızdadır. Yeni modelin dizaynı əvvəlcədən sızdırıldığı üçün smartfonun görünüşü heç də təəccüblü olmadı. Lakin maraqlısı budur ki, yeni smartfon Qualcomm brendinin ötən günlərdə təqdim etdiyi Snapdragon 4 Gen 2 çipseti ilə təchiz edilib. Beləliklə bu çipsetlə təchiz olunan ilk smartfon kimi tarixə düşən 12R Çin bazarı üçün təqdim olunub.
Yeni Redmi Note 12R smartfonu bizə nələr vəd edir?
Qeyd etdiyimiz kimi yeni smartfon öz gücünü Snapdragon 4 Gen 2 çipsetindən alır. Hənçinin smartfon 6.79 düymülk FHD+ təsvir ölçülü IPS LCD ekran panelinə sahibdir. Orta seqmentdən olan smartfonun ekran yeniləmə tezliyi isə 90 Hz-dir. Təbii ki, smartfonun IPS keyfiyyətli və 90 Hz yenilənmə tezliyinə malik olan ekrana sahib olması təəccüblü deyil. Çünki smartfon orta seqment üçün nəzərdə tutulub. Hətta orta seqment üçün smartfonun çipseti olduqca iddialı hesab olunur. Kamera tərəfində isə smartfonun arxa tərəfində 2 kamera sensoru mövcuddur. Onlarda biri f/1.8 50MP əsas kamera, digəri isə 2MP makro kamerasıdır. Ön tərəfdə isə smartfon 5MP selfie kamerasına sahibdir.
Yeni Redmi Note 12R modeli 4/128GB, 6/128GB, 8/128GB və 8/256GB yaddaş seçimləri ilə təklif olunur. Qeyd edək ki, 3 rəngdə Midnight Black, Time Blue və Sky Fantasy təklif olunan smartfon Android 13 əsaslı MIUI 14 interfeysinə sahib olacaq. Smartfon 18Vt şarj dəstəyinə malik olan 5000 mAs batareya da sahibidr. Qiymətlərə gəldikdə isə smartfon yuxarıdakı yaddaş saçimlərinə müvafiq olaraq çin bazarında 140$, 151$, 206$, 248$ qiymətinə təklif olunur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
