Bildiyimiz kimi, min əllərdir planetimizdə insanlar yaşayır. İbtida icma dövründən müasir dövrə qədər planetə bir sıra antropogen təsirlər olmuşdur. Bunlardan biri də Cənubi Koreyanın Seul Milli Universitetinin bir qrup tədqiqatçısı tərəfindən müəyyən edilib. Geophysical Research Letters jurnalından dərc edilmiş yeni araşdırma göstərir ki, insanlar yer planetinin formasını illər ərzində dəyişib. Araşdırmaya görə insanlar 20 ildən daha az müddətdə yeraltı sulardan çox istifadə etdiyi üçün planetin forması məcburi olaraq dəyşib.
Qeyd edək ki, 1993-2010-cu illər arasında insanlar yeraltı sulardan böyük həcmdə istifadə etdilər, nəticədə isə yer planetinin formasını daha dəqiq desək, planetimizin qütblərində “sürüşmələrə” səbəb olublar. Hətta tədqiqatçılar qeyd olunan illər ərzində planetin 80 sm əyildiyini aşkar ediblər. Araşdırmada bu proses qütb hərəkəti də adlandırılıb. Həmçinin tədqiqatçılar insan fəaliyyətinin təbiətə və planetə nə qədər böyük təsirlər edə biləcəyini habelə bu proses nəticəsində suyun səviyyəsinin artacağını da vurğulayıblar. Xatırladaq ki, ilk dəfə 2016-cı ildə tədqiqatçılar dəniz səviyyəsinin qalxması ilə yerin qütblərini dəyişdirmə qabiliyyəti olduğunu kəşf etmişdilər. Lakin indiyə qədər bu prosesdə qrunt sularının təsiri nəzərə alınmırdı.
İndi məlum olub ki, qrunt sularının yenidən bölüşdürülməsi yerin qütblərinin dəyişməsinə səbəb olan başlıca proseslərdən biridir. Maraqlısı budur ki, ötən 17 il ərzində insanlar 2150 gigaton (1 gigaton= 1 milyard ton) qrunt sularından istifadə edib. Məhz bu səbəbdən də dəniz səviyyəsi 6 mm artıb. Gələcəkdə isə bu göstəricilər daha da arta bilər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
