Bildiyimiz kimi, Microsoft uzunmüddətdir ki, Activison Blizzard şirkətini almaq istəyir. Lakin hüquqi cəhətdən bu ticarət bazardakı rəqabəti aradan qaldırdığı üçün buna icazə verilmir. Microsoft isə bu qərara etirazını dəfələrlə bildirərək məhkəməyə müraciət edir. Bu gün isə Microsoft şirkəti Activision Blizzard şirkəti ala bilmək üçün Xbox konsollarının bazardakl rəqiblərindən geri qaldığını etiraf edib. Belə ki, texnologiya nəhəngi məhkəmədə “Xbox konsol savaşını uduzdu” ifadəsini işlədib.
Ümumiyyətlə bu məsələ daha əvvəllər də ortaya atılmışdı. Belə ki, 2019-cu ildə Microsoft şirkəti oyun strategiyasının yalnız konsollar olmadığını və PC, bulud və mobil cihazlar üçün də oyun istehsal etmək istədiyini bildirmişdi. Daha sonra isə şirkət oyunların bazarda lider olmaq üçün kifayət etmədiyini və Xbox konsollarının rəqiblərindən geri qaldığını dilə gətirdi. Məhkəmə prosesində də, şirkət bildirir ki, Xbox Sony və Nintendo kimi rəqibləri ilə mübarizə apara bildir. Hətta şirkətin konsolu 3-cü sırada qərarlaşır. Məhz bu səbəbdən də Microsoft əsasən GamePass üzərinə fokuslanır. Lakin bununla belə Microsoft Xbox konsollarına daim yeni və keyfiyyətli oyunları təqdim etməyə davam edəcəyini bildirib.
Bir tərəfdən də Sony bildirir ki, əgər activison blizzard şirkəti Microsoft çətiri altında olarsa Play Station 6 məlumatlarını oyun şirkəti ilə paylaşmayacaq. Buna əsas səbəb isə Sony yeni cihazının xüsusiyyətlərini əvvəlcədən əzəli rəqibinin bilməsini istəmir. Məhz bu problem də Microsoft və Activision üçün böyük maneədir. Bundan əlavə isə Microsoft bildirir ki, 2021-ci ildə konsol satışlarının yalnız 16 faizi şirkətə məxsusdur. Elə buna görə də şirkət Activison şirkətini almaqla bazarda rəqabətin daha da güclənəcəyini iddia edir.
