Texnologiya sahəsində alma dedikdə çoxlarının ilk olaraq Apple şirkəti yadına düşür. Başqa sözlə desək Apple brendinin məşhur ticarət nişanı yada düşür. Məhz bu səbəbdən də Apple alma formalı ticarət nişanları ilə mübarizə aparır və digər şirkətlərin öz nişanlarını dəyişdirməsini tələb edir. Görünən odur ki, Apple alma şəklində olan ticarət nişanı üzərində inhisar qurmağa çalışır. Hətta şirkət bununla bağlı İsveçrə Federal Əqli Mülkiyyət İnstitutuna da müraciət edib.
Qeyd etdik Apple İsveçrə Federal Əqli Mülkiyyət İnstituna 2017-ci ildə müraciət edib. Lakin 5 il sonra müraciətə baxılıb. Yekunda isə qeyd olunub ki, istənilən alma şəkilli ticarət nişanı yaradıla bilər. Yəni bu nişanların varlığı Apple şirkətinin hüquqlarını pozmur. Bildiyimiz kimi Aple şirkəti yalnız bir tərəfi dişlək alma şəkilli ticarət nişanı üzərində müəyyən hüquqlara sahibdir. Apple şirkəti yekun qərarla razılaşmayıb və apellyasiya şikayəti verib.
Ümumiyyətlə Apple şirkətinin alma formalı ticarət nişanları ilə mübarizə aparmasının bir neçə səbəbi ola bilər. Onlarda birincisi Apple şirkətinin öz ticarət nişanında dizayn yeniliyi etmək istəyidir. Yəni texnologiya nəhəngi ticarət nişanın bəzi hissələrində dizayn dəyişikliyi etməyə hazırlaşır. İkincisi isə Apple alma şəkilləri üçün lisenziya sataraq gəlir əldə etmək istəyir. Əgər qərar dəyişərsə yəni Apple istədiyinə nail olarsa bu bir çox şirkətə mənfi təsir göstərə bilər. Hətta İsveçrənin Fruit Union Suisse kimi 111 ildir mövcud olan nəhəng şirkəti öz ticarət nişanının dəyişmək məcburiyyətində qalar. Xatırladaq ki, Apple sadəcə 47 ildir ki, bazardadır.
