Gündəlik həyatımızda tez-tez istifadə etdiyimiz bir texnologiya olan GPS və ya Qlobal Positioning System həm naviqasiya, həm də xəritələmə baxımından həyatımızın əvəzolunmaz hissəsinə çevrilib. Lakin bu texnologiyanın binaların içərisində və yeraltında kifayət qədər səmərəliliyi təmin etmədiyini görürük. Ancaq bu problem çox tezliklə aradan qalxa bilər. Yaponiyalı mühəndislər GPS-i əvəz etmək üçün kosmik şüalardan istifadə edən alternativ texnologiya hazırlamağa müvəffəq olublar.
GPS bu gün Yer ətrafında fırlanan 24 peykdən ibarət şəbəkədən istifadə edir. Ən azı dörd peykdən siqnal qəbul edən elektron cihazlar məsafəni və yerdəki nisbi mövqeyi təyin etməyi bacarır. Bununla belə, bu texnologiya gündəlik istifadə üçün kifayət etsə də siqnallar qayalardan, sulardan və divar kimi səthlərdən keçməkdə çətinlik çəkir.
Buna görə də, binaların içərisində və hətta sıx yaşayış məntəqələrində kifayət qədər səmərəliliyə nail olmaq mümkün deyil. Tokio Universitetinin tədqiqatçıları bu problemləri aradan qaldırmaq üçün muometrik simsiz naviqasiya sistemi (MuWNS) adlandırdıqları yeni texnologiya hazırlamağa nail olublar. Texnologiyanın ən mühüm xüsusiyyəti, “siqnalların” birbaşa bərk materiallardan keçə bilməsidir. Tədqiqata qayıtsaq, GPS siqnallarının səmərəsiz olduğu çoxmərtəbəli binada sınaqdan keçirilən MuWNS sistemi GPS peykləri kimi fəaliyyət göstərən istinad stansiyaları ilə yüksək dəqiqliyə nail ola bilib.
Tədqiqatın aparıcı müəllifi, professor Hiroyuki Tanaka MuWNS, hazırkı dəqiqliyin “piyadanın dərinliyindən və sürətindən asılı olaraq 2 m ilə 25 m arasında” olduğunu bildirir. Normal şəaritdə isə hər hansı bir xəta və.s müşahidə edilmədən GPS kimi dəqiq işləyir.
