Bildiyimiz kimi İqlim dəyişikliyi ilə əlaqədar Paris sazişi qlobal istiləşməni 2°C-dən aşağı saxlamaq və 1,5°C ilə məhdudlaşdırmaq məqsədi daşıyır. Qlobal istiləşmənin 1,5 dərəcə selsi ilə məhdudlaşdırılması iqlim dəyişikliyinin ən pis təsirlərinin qarşısını almaq və hamı üçün yaşana bilən və davamlı gələcəyi təmin etmək üçün kritik hədd kimi qəbul edilir. Belə ki, Avropa ittifaqı tərəfindən idarə olunan “Copernicus” İqlim Dəyişiklikləri Servisinin rəsmi açıqlamasına görə ən isti iyun ayı kimi qlobal ortalama səth temperaturunun 1,5°C-dən yuxarı olduğu və yay ayları üçün bir ilkin qeydə alındığını bildirir.
Ümumdünya Meteorologiya Təşkilatı 2023-cü ilin may ayında dərc etdiyi hesabatda qlobal temperaturun növbəti beş ildə yeni rekordlara çatacağından artıq əmindir. Hesabatda deyilir ki, 2023-2027-ci illər arasında illik ortalama səth temperaturunun sənayedən əvvəlki səviyyədən 1,5°C yuxarı olacağı ehtimalı 66%-dir. Hesabatda həmçinin qeyd olunub ki, yaxın beş ildən ən azı birinin və bütün beşillik dövrün tarixdə ən isti olacağı ehtimalı 98%-dir.
Copernicus – Samantha Burgess
Dünya, ən isti may ayından sadəcə 0,1°C daha soyuq olan may ayından sonra, ən isti iyun ayını yaşadı. Bu, hər zamankindən daha vacibdir. Qlobal temperaturun nə qədər sürətli və nə qədər müddətə 1,5 dərəcə selsidən çox artdığını dəqiq müəyyən etmək üçün araşdırmaları davam etdirmək həmişəkindən daha vacibdir.
Copernicus bildirir ki, 2023-cü ildə qeydə alınmış ən isti iyun ayı qarşıd olan növbəti 12 ayda təkrarlana bilər, çünki Yer digər bir tərəfdən də El Nino-nun təsiri altındadır. El Nino ekvatorial Sakit okeanda səth sularının anormal istiləşməsinə aiddir. Bu təbii iqlim hadisəsi normal şərtlərin əksinə olaraq Sakit okeanın şərqində dəniz suyunun temperaturu yüksəlir. Bu artım Humboldt cərəyanının zəifləməsinə və ya tamamilə dayanmasına səbəb olur. Nəticədə isti su qərbə doğru hərəkət edir və Sakit okeanın şərqində suyun temperaturu yüksəlir. Küləklər də El Niñonun təsiri altında dəyişir və yerli iqlim sistemlərində əhəmiyyətli dəyişikliklər baş verir.
