Ötən gün Dubayda Birləşmiş Ərəb Əmirliklərinin Baş Naziri Həmdan bin Məhəmməd bin Rəşid Əl Məhtimin iştirakı ilə süni intellekt mərkəzi açılıb. Qeyd edək ki, son dövrlərdə süni intellekt texnologiyanın bütün sahələrində tətbiq edilir. Məhz bu səbəbdən də bir çox texnoloji şirkət və ya texnologiyaya diqqət ayıran ölkələr süni intellekt texnologiyasındakı inkişafı yaxından izləyir. Məhz Dubay texnologiyaların cəmləndiyi şəhərlərdən biri olduğu üçün burada süni intellekt mərkəzi açılıb. Həmçinin burada insanların süni intellekt texnologiyalarından istifadə etməyi öyrənməsi də nəzərdə tutulur.
Dubayda süni intellekt mərkəzi açılışında Birləşmiş Ərəb Əmirliklərinin Baş Naziri Həmdan bin Məhəmməd bin Rəşid Əl Məhtim bildirib ki, “Biz süni intellektin tətbiqi üzrə səylərimizi genişləndirmək və yeni dövlət xidmətləri göstərmək üçün Dubayda Süni İntellekt Mərkəzini yaratmışıq. Həmçinin biz innovativ dövlət xidmətləri yaratmağa imkan verəcək süni intellektə əsaslanan tətbiqləri inkişaf etdirmək üçün Dubayın bütün dövlət qurumlarında ixtisaslı işçilər yetişdirməyə başlamışıq”. Onu da qeyd edək ki, yeni süni intellekt mərkəzində dövlət xidmətlərinin təkmilləşdirilməsi və dövlət qulluqçularının səmərəliliyinin artırılması nəzərdə tutulur.
Həmçinin Dubayda açılan yeni süni intellekt mərkəzi 20-dən çox yerli və beynəlxalq startapa dəstək verəcək. Bundan əlavə mərkəzdə yeni süni intellekt çatbotu fəaliyyət göstərəcək. Bu çatbot dövlət qurumlarında çalışan işçilərə ingilis dilində olan sənədləri tərcümə etməkdə və onları ümumilləşdirməkdə kömək edəcək. Yaxın gələcəkdə isə bu mərkəzdə daha çox yeniliklərin hazırlanacağı gözlənilir.
