Texnologiya nəhəngi Apple, WWDC23 çərçivəsində uzun müddətdir barəsində söz-söhbət gedən 15,3 düymlük ekrana malik yeni MacBook Air noutbukunu təqdim etdi. Bu seriyaya aid indiyə qədər çıxmış notbuklar arasında yeni MacBook Air modeli 15,3 düymlük ekranı ilə olduqca diqqət çəkdi. Çünki, 15,3 düymlük Liquid Retina erana malik olan model, Apple şirkətinin iddialarına görə, dünyanın ən yaxşı 15 düymlük noutbukudur. Dizayn baxımından heç bir sürprizi olmayan noutbuk, 13,6 düymlük variantı kimi M2 prosessoru ilə təchiz edilib.
Bu baxımdan çox yüksək performansa sahib olan noutbuk, böyüyən gövdənin təsiriylə batareya tutumunu artırıb və 18 saatlıq ekran müddəti təqdim edir. 11 mm ilə ən nazik 15 düymlük noutbuk olduğu açıqlanan model, cəmi dörd fərqli rəngdə gəlir və şarj üçün MagSafe xüsusiyyətini də qaçırmır. 1080P kamera daşıyan model çərtikli dizayna malikdir. 1.5 kq çəkisi ilə əsl erqonomiklik axtaranlar üçün dizayn edilmiş notbuk barmaq izi sensoru, 24GB-a kimi artırıla bilən operativ yaddaş və 2TB həcminə yüksələ bilən daxili yaddaş dəstəyi ilə ayrıca seçilir. Səs baxımından 6 ədəd səs ucaldan olduqca keyfiyyətli akustika vəd edir.
Qeyd etmək lazımdır ki, sahib olduğu M2 prosessoru ilə 8 nüvəli CPU, 10 nüvəli GPU ilə təchiz olunmuş model 1299 dollardan başlayır.
