Ötən günlərdə Elon Musk-ın öz vəzifəsini məhz Linda Yaccarino-ya verəcəyi ortaya çıxmışdı. Qeyd edək ki, dünyanın ən varlı adamı hesab olunan Elon Musk ötən aylarda Twitter şirkətini 40 milyon dollara almışdı. Məhz ondan sonra isə milyarder Twitter CEO-su olmuşdu. Hətta vəzifədə olduğu dövrlərdə etdiyi yeniliklər ilə gündəmdən düşməyən milyarder nəhayət yerinə başqa birisinin keçəcəyini bildirmişdi. Bu gündən isə Linda Yaccarino Twitter şirkətinin CEO vəzifəsini icra edir. Belə ki, bu barədə Yaccarino özü məlumat verib. Elon Musk isə artıq Tesla və SpaceX şirkətlərinə fokuslanacaq. Milyarder bildirirdi ki, Twitter onun bütün zamanını alırdı. Məhz bu səbəbdən də o, yerini başqasına verib.
Qeyd edək ki, Linda Yaccarino Twitter şirkətindəki CEO vəzifəsində əvvəl media sahəsində çalışdır. Hətta Yaccariono bu sahədəki ən təcrübəli şəxslərdən biri hesab olunur. Daha əvvəl o, NBC Universal-da çalışırdı. İndi isə o, həm X Corp həm də Twitter şirkətinin CEO vəzifəsini icra edəcək. Xatırladaq ki, Elon Musk Twitter platformasına yeni abunəlik sistemi gətirmişdi. Belə ki, istifadəçilər müəyyən vəsait ödəmək ilə mavi işarələrə sahib təsdiqlənmiş hesab əldə edəcəkdilər. Lakin bu ideya bir çox istifadəçi tərəfindən xoş qarşılanmadı. Hətta bu yenilik bir çox probləmlərə səbəb oldu. Belə ki, Bloomberg mediasının saxta versiyasl olan bir hesab müəyyən vəasit ilə hesabını təsdiqlədərək yalan xəbər paylaşıb. Hətta bu xəbər bir çox televiziya xəbərlərində də gündəm olub. Daha sonra məlum olub ki, mənbə əsassızdır.
NBC Universal şirkətindəki vəzifəsində 2000 nəfərə nəzarət edən Linda Yaccarino Twitter şirkətinin CEO vəzifəsini icra edərkən bəzi yeniliklər edəcək. Bütün bunlardan əvvəl Linda Yaccarino şirkətin son dövrlərdə yaşadığı işçi problemini həll etməlidir. Belə ki, Elon Musk vəzifədə olduğu dövrdən bəri şirkətin 75% işçisi öz istəyli ilə ya da məcburi olaraq işdən çıxıb. Bu isə son dövrlərdə şirkətin vəziyyətini pisləşdirib. Maraqlısı budur ki, Musk həqiqətən də, Yaccarino-nun işinə qarışmayacaq? Məhz bu sualın cavabı çox qısa müddətdə üzə çıxacaq.
