Artıq avtomobil sənayesində də inkişaf etməyi planlayan Huawei şirkəti yeni elektromobil sarj stansiyalarını hazırlayır. Maraqlısı budur ki, brendin yeni şarj stansiyaları Tesla brendinin məşhur şarj stansiyalarını da ötəcək. Belə ki, maye soyutma sisteminə sahib olan şarj stansiyası barədə bəzi xüsusiyyətlər ortaya çıxıb. Çinli texnologiya nəhənginin yeni şarj stansiyaları maye sooyutma sisteminə sahib olduğu üçün yüksək cərəyanda enerji ötürə bilir.
Qeyd edək ki, Huawei brendinin yeni şarj stansiyaları maksimum 600 kVatt enerji ötürə biləcək. Təbii ki, volt artdıqca şarj stansiyalarının qızması kimi problemlər meydana gəlir. Lakin texnologiya nəhəngi maye soyutma sistemi ilə heç bir performans itkisi olmadan şarj stansiyalarının öz funksiyalarını yerinə yetirməsini təmin edir. Maraqlısı budur ki, yeni şarj stansiyaları vasitəsi ilə sadəcə 5 dəqiqə ərzində elektromobillər 200 kilometr məsafə qətt edə biləcəkləri qədər enerji əldə etmiş olacaqlar. Bundan əlavə yeni şarj stansiyaları olduqca yığcamdır. Bu isə onu digər rəqiblərindən daha üstün edir. Texnologiya nəhəngi şarj stansiyalarının səs-küy səviyyəsini də tənzimləyib. Belə ki, əksə şarj stansiyaları 80 dB səs səviyyəsində çalışdığı halda yeni şarj stansiyaları sadəcə 55 dB səs səviyyəsində çalışacaq.
Yığcamlığı, sürəti və səs-səviyyəsi ilə rəqiblərindən üstün olmağı bacaran yeni Huawei şarj stansiyaları Tesla brendinin şarj stansiyalarından belə sürətli olmağı bacaracaq. Hal-hazırda texnologiya nəhənginə məxsus şarj stansiyaları çox azdır. Lakin yaxın gələcəkdə bu şarj stansiyaları sürətlə genişlənəcək.
