Xiaomi brendinin 2023-cü ilin ilk rübü üçün açıqladığı maliyyə hesabatında smartfonların orta satış qiyməti məlum olub. Belə ki, bu ilin birinci rübündə şirkətin ümumi gəliri 8.4 milyard olub. Bundan əlavə isə brendə məxsus smartfonların orta satış qiyməti sadəcə 164 dollar olub. Qeyd edək ki, texnologiya nəhəngi bu ilin birinci rübündə 30.4 milyondan çox smartfon satdığını açıqlayıb. Hətta Çinli brend məhz smartfon satışından 5 milyard dollar gəlir əldə edib. Ümumiyyətlə nəticələr göstərir ki, Xiaomi öz gəlirlərini və bazar payını əhəmiyyətli dərəcədə artırıb.
Qeyd edək ki, Xiaomi şirkətinin orta satış qiyməti 164 dollar olsa da, xalis kapitalı 13.1% artaraq 453 milyon dollara çatıb. Həmçinin smartfonların orta satış qiyməti ötən il ilə müqayisədə 2.7% çoxdur. Bununla da demək olar ki, Xiaomi əsasən orta büdcəli smartfonlar üzərində ixtisaslaşıb. Çinli texnologiya nəhəngi hər il flaqman modelləri təqdim etsə də əsas gəlirini məhz digər smartfon modellərindən əldə edir. Hətta Xiaomi bu ilin birinci rübündə bazar payına görə Samsung və Apple brendlərindən sonra üçüncü yerdə qərarlaşıb.
Ötən günlərdə Xiaomi MIUI interfeysinin aylıq aktiv istifadəçi sayı da məlum olmuşdu. Belə ki, MIUI interfeysi istifadəçilərinin sayının 600 milyonu ötdüyü bildirilmişdi. Bu isə Xiaomi şirkətinin həm proqram təminatı həm də smartfon sahəsində liderlik etdiyini göstərir. Ümumiyyətlə Xiaomi şirkəti 164 dollar orta satış qiyməti olan smartfon modelləri ilə dünyanın hər tərəfinə yayılmağı bacarıb. Hətta bazarda liderlik edir. Gələcəkdə bu göstəricilərin daha da çox olacağı qaçınılmazdır.
