Lukoil şirkətinin təsisçisi və baş icraçı direktoru əslən Azərbaycandan olan milyarder Vahid Ələkbərov Yandex şirkətini satın almaq istəyir. Ötən ildən bəri davam edən Ukrayna-Rusiya müharibəsi səbəbindən qərb tərəfi sanksiyalara davam edir. Belə ki, sanksiyalar artıq Yandex şirkətinə də təsir göstərib. Kapitalının əsasını avropa investisiya şirkətləri təşkil edən Yandex qaçınılmaz vəziyyət ilə üzləşib. Qərb investorları öz aktivlərindən imtina etməsi səbəbi ilə şirkətin aktivləri satışa çıxarılıb. Bu səbəbdən də Yandex şirkətinin direktorlar şurası gələn həftə səhmlərinin azı 51%-ni almaq məqsədilə ərizəçilərin müraciətlərini müzakirə etmək üçün toplaşa bilər. Bəzi iş adamları isə artıq təklif irəli sürüb. Bunlardan biri də məhz azərbaycanlı milyarder Vahid Ələkbərovdur.
Reuters mənbəsi bildirir ki, hazırda Lukoil şirkətinin baş icraçı direktoru Vahid Ələkbərov və Nornickel şirkətinin icraçı direktoru Vladimir Potaninin Yandex səhmləri üçün təklif verənlər diqqət mərkəzindədir. Qeyd edək ki, Yandex şirkətinin 51% səhmləri üçün iş adamları 7 milyard dollar vəsait ödəməyə hazırdı. Lakin Yandex şirkətinin almaq istəyən bir neçə iş adamı da var. Onlar arasında Rusiyanın Severstal şirkətinin əsas səhmdarı Alexey Mordashov və VTB Dövlət bankı var. Maraqlısı budur ki, Chelsea Futbol kulubunun keçmiş sahibi Roman Abramoviç də təklif irəli sürənlər arasındadır.
Ümumiyyətlə Yandex ötən il xəbər lentini və ana səhifəsini dövlət tərəfindən idarə olunan rəqibi VK şirkətinə satmışdı. Həmçinin şirkət Rusiya daxilində olan bir neçə müəssisəsini də artıq satışa çıxarıb. Şirkətin əsas hədəfi beynəlxalq bazarda yeni sahələrə atılmaqdır. Qeyd edək ki, Lukoil şirkətinin təsisçisi Vahid Ələkbərov Yandex şirkətinə təklif irəli sürsə də, hələlik bu təklifin təsdiqlənib təsdiqlənməyəcəyi məlum deyil. Qeyd edək ki, namizədlər Rusiya hakimiyyət orqanı tərəfindən də nəzərdən keçiriləcək və təsdiqlənəcək. Hal-hazırda şirkət kapitalının 87.9%-ni sərbəst dövriyyə təşkil edir.
