Azərbaycanlılar tərəfindən yaradılan MagicPort dəniz texnologiyaları startapı Sinqapurda ekoloji layihənin əsas tərəfdaşlarından biri kimi seçilib. Qeyd edək ki, bu barədə məlumatı startapın yaradıcısı və Baş İcraçı Direktoru (CEO) olan Əli Qara təsdiq edib. Sinqapurda keçirilən tədbirdə 11 yeni üzv layihəyə qoşulub. Onlardan biri də məhz Sinqapurda yaradılan dənizkənarı ekosistemin dayanıqlılığını artırmağı hədəfləyən MagicPort-dur. Layihə Qrup PaxOcean, PCL və POSH kimi böyük gəmiçilik şirkətlərini əhatə edir və Kuok Maritime qrupu tərəfindən idarə olunur.
Ümumi olaraq isə layihə gəmilərin elektrikləşdirməsi və loqistika əməliyyatlarının optimallaşdırılması vasitəsilə dekarbonizasiyanı sürətləndirməyi hədəfləyir. Bu məqsədlə də oxşar düşüncəli sənaye şirkətlərini birləşdirir. Layihənin digər üzvləri arasında Jurong Port, Ken Energy, Columbia Ship Management, RMS, ST Engineering və M1 kimi önəmli şirkətlər var. Azərbaycanlılar tərəfindən yaradılan MagicPort startapı da bu şirkətlər ilə eyni önəmi daşıyır. Startapın CEO-u Əli Qara bildirib ki, Sinqapurda sahil ekosistemini elektronlaşdırmaq və karbonsuz hala gətirmək üçün bu böyük təşəbbüsdə eyni fikirli böyük oyunçularla tərəfdaşlıqdan həyəcan duyuruq. Ümid edirik ki, bunu gələcəkdə nümunəvi bir layihə kimi, öz ölkəmiz Azərbaycanda və Türkiyədə, xüsusilə də çox gəminin keçdiyi Istanbul Boğazında da təkrarlaya bilərik”
MagicPort startapı layihədə ağıllı və etibarlı dəniz nəqliyyatı üçün dəniz əməliyyatları yerinə yetirən iştirakçıları digital platformada birləşdirməyi hədəfləyir. Hansı ki, bu platforma da gəmi sahibləri və idarəçiləri, təchizatçılar, agentlər və dənizçilər, ehtiyac duyduqları məlumatları taparaq, bir-biri ilə birləşmiş və ağıllı proqramlar vasitəsi ilə çalışa bilərlər. 2021-ci ildə Əli Qarayev və Tural Əliyev tərəfindən qurulan startap, qlobal vençur kapital fondları və xarici gəmiçilik şirkətləri tərəfindən dəstəklənib.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
