Ötən günlərdə yeni Samsung Galaxy S23 seriyasını təqdim etmişdi. Lakin şirkət S23 FE barədə heç bir məlumat verməmişdi. İndi isə Sammobile mənbəsi Samsung Galaxy S23 FE smartfonunun kamera xüsusiyyətlərini ortaya çıxarıb. Samsung brendinin Galaxy seriyasında ilk dəfə S20 FE modeli çox böyük marağa səbəb olmuşdu. Daha sonra isə Samsung seriyanın davamında da FE modelini təqdim etmişdi. Lakin S22 FE modelini təqdim etməyən brendin bu dəfə də S23 FE modelini təqdim etməyəcəyi bildirilmişdi. Yeni ortaya çıxan məlumatlar isə həm yeni smartfonun təqdim ediləcəyindən xəbər verir, həm də onun kamera xüsusiyyətlərini ortaya çıxarır.
Ortaya çıxan məlumatlara əsasən Samsung Galaxy S23 FE modeli öz gücünü Exynos 2200 prosessorundan alacaq. Əslində bu prosessor yeni smartfona biraz aşağı performans verə bilər. Lakin qeyd etmək lazımdır ki, FE seriyası əsasən qiymət-perfomans modelləri ilə məşhurdur. Kamera xüsusiyyətlərinə gəldikdə isə arxa tərədə smartfon 50MP əsas kamera ilə təchiz ediləcək. İndiyə qədər Samsung FE modellərində 12MP kameradan istifadə edirdi. Bu yenilik Galaxy S23 modelində də eyni kameradan istifadə olunması ilə əlaqədardır.
Yeni S23 FE smartfonu 6-128 və 8-256 yaddaş seçimləri ilə təklif olunacaq. Eyni zamanda yeni S23 FE smartfonu sələfləri ilə eyni 4500 mAs batareya həcminə sahib olacaq. Həmçinin smartfon 25 Vatt sürətli şarj dəstəyi ilə təklif olunacaq. Qiymət tərəfində isə Galaxy S23 FE modelinin sələfindən 100$ daha ucuz yəni, 599$-a təklif ediləcəyi iddia olunur.
