Kamera mövzusunda çox iddialı olan bu yaxınlarda elan edilməsi gözlənilən flaqman Xiaomi 13 Ultra üçün bir tarix gündəmdədir. Ötən günlərdə rəsmi posterləri paylaşılan və təqdimat tarixi sızdırılan smartfonun, yüksək səviyyəli flaqman olacaq Xiaomi 13 Ultra modelinin aprelin sonundan əvvəl təqdim ediləcəyi bildirilir. Şirkət konkret bir tarix verməyib, lakin Çin alış-veriş saytının məlumatına görə, telefon məhz aprelin 18-də satışa çıxarıla bilər.
Çinə xas olmayan, eyni zamanda qlobal bazarlara da açılacaq telefon, Alman fotoqrafiya nəhəngi LEICA ilə ortaq şəkildə hazırlanır və bu baxımdan çox iddialı gəlir. Görünür, cihaz ən qabaqcıl kamera paketi adı uğrunda OPPO Find X6 Pro ilə rəqabət aparacaq. Qeyd edək ki, smartfon tam olaraq Çin, Rusiya, Tayvan, EEA və qlobal bazar (Hindistan, Türkiyə, İndoneziya, Yaponiya xaric) üçün əlçatan olacaq.
Verilən məlumata görə, Xiaomi 13 Ultra modeli AMOLED E6 ekrana, Quad HD (2K) ekran panelinə və 120Hz tezlikli adaptiv yeniləmə sürəti təmin edən LTPO 4.0 texnologiyalı 6,74 düymlük ekrana malik olacaq. Texniki cəhətdən smartfon öz gücünü LPDDR5X və UFS 4.0 yaddaş çipləri ilə birləşdirilmiş Snapdragon 8 Gen 2 çipsetindən alacaq. 90 vatt simli və 50 vatt simsiz şarj dəstəyi ilə 4900 mAs batareya batareyanın ömrünə cavabdeh olacaq. Smartfon Wi-Fi 7 və Bluetooth 5.3 texnologiyalarını dəstəkləyəcək, korpusu isə IP68 ilə suya davamlı olacaq. Ən maraqlı detallar kamera ilə bağlıdır. Belə ki, keçən ilki Xiaomi 12S Ultra limitləri xeyli yüksəltmişdi. Mənbəyə inansaq, yeni Xiaomi 13 Ultra hər biri 50MP dörd kamera sensoru ilə təchiz olunacaq. Əsas kamerada Sony IMX989, bildiyimiz 1 düymlük sensor və optik görüntü stabilizatpru, digər üçü isə Sony IMX858 sensoru ətrafında qurulacaq.
Edilən açıqlamalara görə, Xiaomi 13 Ultra mobil fotoqrafiyaya gəldikdə bazarın ən güclü modellərindən biri olacaq. Arxasındakı hər kamera ilə ortaq yüksək foto keyfiyyəti təqdim edəcək flaqman, LEICA tərəfindən dəstəklənən yüksək səviyyəli optik göstəriciləri ilə çox kəskin nəticələr verə bilər. Texniki xüsusiyyətləri hələ tam bilinməyən, lakin yaxın vaxtlarda təfərrüatlarının açıqlanması gözlənilən flaqman smartfon Xiaomi-nin bu il təqdim etdiyi ən güclü telefon olacaq və şirkət eyni zamanda ilin sonuna qədər bir və ya bir neçə qatlana bilən telefon təqdim edəcək.
