Vaşinqtonda yerləşən Apple Store maraqlı oğurluqla üzləşib. Belə ki, bu dəfə Apple Store mağazasından 500 min dollarlıq iPhone oğurlanıb. Açıqlamaya görə, mağazanın yanındakı kofe mağazasının divarını deşərək içəri girən oğrular 500 min dollar dəyərində 436 ədəd iPhone götürərək yoxa çıxıblar.
Bölgədən olan xəbərlərə görə, oğrular xüsusi olaraq Seattle Coffee Gear-a gedib, məkanın tualetindəki divarı sındıraraq Apple Store-a girək üçün tualetin divarında kiçik bir deşik yaradıblar. Hadisə zamanı kofe mağazasından heç nə oğurlanmadığı bildirilir, ancaq qıfılların dəyişdirilməsi və hamamın divarının təmiri 1500 dollara başa gələcək. Polisin oğurluğu törədənləri tapmaq üçün araşdırması davam edir və bu mövzuda bir çox görüntünün araşdırıldığı bildirilir.
Qeyd edək ki, bundan əvvəl Apple Store-da daha maraqlı bir oğurluq məsələsi gündəmə gəlmişdi. Adı bilinməyən 27 yaşlı gənc ABŞ-dakı böyük Apple Store mağazasından bir anda 300 fərqli iPhone 13 alıb. Bu 300 fərqli telefonu üç fərqli çantaya qoyub App Store-dan çıxan şəxs şəxsi avtomobilinə gedərkən ona yaxınlaşan başqa bir vasitədən düşən iki nəfər tərəfindən qarət edilmişdi. Paylaşılan xəbərə görə, qarətçilər 95 min dollar dəyərində 125 müxtəlif telefon olan çantanı götürərək oradan uzaqlaşıblar. Polisin verdiyi məlumata görə, 27 yaşlı bu şəxs tez-tez Apple-dan çoxlu sayda iPhone alıb və öz iş yeri vasitəsilə başqalarına satırmış. Heç kəsin xəsarət almadığı hadisənin polis tərəfindən təfərrüatlı şəkildə araşdırılacağı bildirilsə də, bir çox insan hadisənin arxasında başqa bir vəziyyətin ola biləcəyindən şübhələnirdi.
Göründüyü kimi, Apple Store mağazasında tez-tez oğurluq halları baş verir. Çünki, mağaza işçiləri oğurluğa gələnlərə mane olmur. Şirkət məntiqlə işçilərinin cinayətkarlarla mübarizə aparmasını istəmir, şirkət üçün nümayiş etdirilən eksponatların o qədər də dəyəri yoxdur. Bu oğurluqları edənlər adətən aldıqları məhsulları ehtiyat hissələri üçün Çinə satır, uzaqdan kilidləndiyi üçün istifadə edə bilmirlər.
