Bu yaxınlarda maraqla gözlənilən Samsung Galaxy S23 seriyasını təqdim edən Samsung indi də Galaxy A seriyasını təqdim etməyə hazırlaşır. Belə ki, şirkət Galaxy A seriyasından olan Samsung Galaxy A34 və A54 5G-nin 16 martda Hindistanda satışa çıxarılacağını təsdiqlədi. Eyni zamanda cihazların qutu açılışı videosu sızdırıldı.
Qısa olaraq xatırlasaq, Samsung Galaxy A54 modelindən daha sərfəli olacağı gözlənilən Samsung Galaxy A34 5G, öz gücünü MediaTek Dimensity 1080 çipsetindən alacaq. FHD təsvir ölçülü 6,6 düymlük 120Hz AMOLED ekranla satışa çıxarılacaq cihazın ön tərəfində 13MP selfi kamerası, 48+8+5 meqapiksellik sensordan ibarət üçlü arxa kamera konfiqurasiyası olacaq. Bundan əlavə, cihaz qutudan 25 vatt sürətli şarj dəstəyi ilə 5000 mAs batareya ilə çıxacaq.
Samsung Galaxy A54 5G 1modeli 120Hz yeniləmə tezliyi ilə 6,4 düymlük tam HD+ Super AMOLED ekrana sahib olacaq. Exynos 1380 prosessoru ilə təchiz ediləcəyi gözlənilən cihazın ön tərəfində 32MP selfi kamerası, arxa tərəfində isə 50MP əsas kamera ilə müşayiət olunan üçlü arxa kamera bloku mövcuddur. Bundan əlavə, cihaz qutudan 25 vatt sürətli şarj ilə 5000 mAs batareya ilə çıxacaq. Bu yaxınlarda təxmini qiymətləri sızan hər iki cihazın IP67 sertifikatına sahib olacağını təsdiqləyən şirkətin mətbuat şərhinə görə, Samsung Galaxy A34 və A54 5G 16 martda Hindistanda dörd fərqli rəng variantında satışa çıxarılacaq.
