Microsoft tərəfindən dəstəklənən ChatGPT-nin böyük uğuruna cavab olaraq, Google çatbot Bard adlı öz süni intellektini işə salır. Şirkət həmçinin Bard adlı dil modelini Google axtarış sisteminə əlavə edir. Beləliklə çətin görünən və süni intellekt ilə asan öyrənilməsi mümkün olan mürəkkəb suallar görməyi istədiyimiz cavablarla qarşımıza çıxarılır. Google, Bard adlı çatbotunun bazar ertəsi ekspert məhsul sınayıcılarına təqdim ediləcəyini, sonra isə yaxın həftələrdə ictimaiyyətə daha geniş şəkildə təqdim ediləcəyini bildirib. Qeyd edək ki, Bard dil modeli Google şirkətinin LaMDA adlandırdığı dil modeli ilə təchiz edilib.
Daha əvvəlki xəbərlərimizdən birində Google şirkətinin ChatGPT-yə bənzər məhsulu satışa çıxarmayacağını desə də “Apprentice Bard” adlı öz süni intellekt çatbotu üzərində işlədiyini sizinlə paylaşdıq. İndi isə şirkət rəsmi olaraq öz Bard çatbotunu təqdim edib.
Mətnə əsaslanan əmrlərə cavablar yaratmağı öyrədən prosesdə bu kimi dil modelləri neyron şəbəkələrindən istifadə edirlər. Onlara internetdən böyük miqdarda mətn verilir. Bildiyiniz kimi ChatGPT, akademik məqalələrdən tutmuş şeirlərə, iş müraciətlərinə qədər hər cür etibarlı məzmun yaradaraq noyabr ayında ictimaiyyətə təqdim edildikdən sonra böyük senasiyaya çevrildi. Analitiklərin fikrincə bu süni intellekt artıq 100 milyon istifadəçiyə çatıb.
Google şirkətinin Baş İcraçı Direktoru Sundar Pichai yeni Bard adı verdikləri çatbotun aktual cavablar vermək qabiliyyətini vurğulayıb. Google şirkətinin açıqlamasında çatbot Bard, NASA-nın Ceyms Uebb kosmik teleskopunun etdiyi yeni kəşfləri doqquz yaşlı bir uşağa necə izah etmək, həmçinin ən yaxşı oyunçular kimi futbol oynamaq üçün, məşq edərkən “hal-hazırda” futbolun ən yaxşı hücumlarını öyrənməklə bağlı sualları cavablandırdı. Pichai deyib ki, “Bard dünya biliklərinin genişliyini bizim böyük dil modellərimizin gücü, zəka və yaradıcılığı ilə birləşdirməyi hədəfləyir. O, yeni, yüksək keyfiyyətli cavablar vermək üçün internetdəki məlumatlardan istifadə edir.”
Google həmçinin bildirib ki, LaMDA, PaLM, şəkil yaradıcısı Imagen və musiqi yaradıcısı MusicLM kimi ən son süni intellekt texnologiyaları onun axtarış sisteminə inteqrasiya olunacaq. Pichai, axtarış sistemindəki yeni süni intellektlə işləyən funksiyaların mürəkkəb məlumatları və çoxlu dataları başa düşülən formaya çevirəcəyini bildirib.
