Belə ki, görmə problemləri olan insanlar çox vaxt ödənişlərin həyata keçirilməsində aldadılıb, aldadılmamaqla bağlı tam əmin ola bilmirlər. Eyni zamanda kartla ödəniş zamanı ödənilən miqdarın dəqiqliyi müəyyən qədər həmin insanlar üçün sual altında olur. Yeni hazırlanmış və dünyada bir ilk olan “voice card” texnologiyası isə bu problemin önünə keçəcək. Texnologiyanın işləməsi isə, əslində smartfona bağlı olan bir tətbiqdən aslıdır. Müştəri ödənişi etmək üçün kartını çıxarıb terminala yaxınlaşdırdıqda “voice card” ilə smartfonda ödənişin miqdarı səsləndirilir. Beləliklə, görmə məhdudiyyətli insanlar təkcə bank kartlarını işlədə bilməklə qalmayıb, üstəlik ödədikləri məbləğdən tamamilə əmin ola bilirlər.
Papara tərəfindən “Papara səsi eşitdi” deyilərək inkişaf etdirilən yeni kartlar görmə məhdudiyyətli şəxslərin maliyyə əməliyyatlarını tez, asan və təhlükəsiz şəkildə həyata keçirmələrini təmin etmək məqsədi daşıyır. Pulsuz pul köçürmələri, fakturaların ödənilməsi, mobil telefon sığortası, büdcənin idarə edilməsi, ianələr və paylama kimi məhsul və xidmətləri hazırlayan Papara şirkəti “voice card” xidmətini “Mastercard”, qlobal rəqəmsal təhlükəsizlik texnologiyası “Thales” və o cümlədən “BlindLook” ilə əməkdaşlıqda inkişaf etdirib olduğu bildirilir.
“Voice card” POS cihazına daxil edildikdə əməliyyatın məbləğini mobil telefonlarında eşidə bilərlər. Kart parolunu daxil etdikdən sonra ödəniş həyata keçirilir. Beləliklə, istifadəçilər ödədikləri məbləği bilməklə əməliyyatlarını təhlükəsiz şəkildə tamamlaya bilərlər. Bildirilir ki, bu kart görmə məhdudiyyətli şəxslər və POS cihazı ilə ödəniş etməkdə çətinlik çəkən bütün istifadəçilər üçün rahatlıq yaradacaq.
Bütün dünyada etibarlı olan kart üçün abunə haqqı yoxdur. Papara-nın “Cashback” funksiyası bu kartlar üçün də mövcuddur. Yəni müqaviləli brendlərdən edilən alış-verişdə razılaşdırılmış məbləğ istifadəçiyə qaytarılır və beləliklə, hər bir Papara istifadəçisi kimi “Voice card” sahibi də nağd pul qazanır və qənaət edə bilir.
Papara CEO-su Emre Kenci
“Hər kəs üçün daha sürətli, daha asan, daha sərfəli və zövqlü maliyyə məhsulları hazırlamaq üçün çalışan Papara öz sahəsində lider şirkətdir. Sərhədləri aradan qaldırmaq, qaydaları dəyişdirmək və azadlığı təmin etmək bizim DNT-mizdədir. Öz sahəsində lider olanların cəmiyyət qarşısında öhdəliklərinin olduğuna inanırıq.Keçən il BlindLook İşbirliyimizlə Blind Brands-a qoşularaq bunu göstərdik. Bu il görmə qabiliyyəti zəif olan istifadəçilərimiz üçün səs texnologiyasından istifadə edən “voice card” ilə konkret addım atdıq. Biz BlindLook vasitəsilə bu rahatlığa ehtiyacı olan hər kəsə çatmağı hədəfləyirik. Maliyyə xidmətlərinə çıxışda bərabərlik və inklüziv yanaşmamızı vurğulayan məhsul və xidmətlərimizlə sosial faydaya diqqəti davam etdirəcəyik.”
BlindLook Qurucu Ortağı Sadriye Görece
BlindLook-da biz hər kəsin azad və müstəqil yaşaya biləcəyi bir dünyanın mümkün olduğuna inanırıq. “Voice card” görmə qabiliyyəti zəif olan şəxslərin ehtiyaclarını qarşılayarkən, ödəniş prosesində tələb olunan əlçatanlığı, etibarı və sürəti təmin edir. Dünyada bir ilk olan “voice card”ın yaranmasında iştirak edən bütün tərəfdaşlarımıza bərabər maneəsiz bir dünyanın mövcud olması üçün bu addımı atdıqları üçün təşəkkür edirik”.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
