Məşhur Udemy platformasını böyük bir ehtimalla hər biriniz tanıyırsınız. Hansı ki, Udemy onlayn kursları ilə tanınır. Hər bir layihədə olduğu kimi Udemy platformasının da arxasında onu gücləndirən və dayağını düzgün formalaşdıran şəxslər dayanır. Onlardan biri də Eren Balidir ki, Udemy layihəsinin həmtəsisçisi kimi qazandırdığı uğurdan sonra Carbon Health startapına yönəlmişdir. Carbon tamamilə rəqəmsal infrastruktura malik startapdır. O, həm həkimlər, həm səhiyyə müəssisələri, həm xəstələr arasıdan əlaqəni öz üzərinə götürür. Bir çox işin mobil tətbiq vasitəsilə həllini təmin edir. Həkimlərə videozəng, kliniki təyinatlar etmək, aptekdən dərman sifarişi, öyrənmək və test nəticələrini izləmək kimi bir çox xüsusiyyətləri özündə birləşdirir. Hətta platformada narkotik istifadəsini izləməyə nəzarət edən alətlər belə mövcuddur. Yəni xəstələndiyiniz andan tam sağalana qədər bütün prosesləri əhatə edir.
Carbon Health platforması ardıcıl üçüncü ildir ki, D seriyası investisiya alıb
Eren Bali başda olmaqla, Greg Burrell və Tom Berry tərəfindən qurulan Carbon Health, rəqəmsal müayinələr və testlər təklif edərək korona virusu ilə mübarizə apardığımız günlərdə böyük əhəmiyyət qazandı. San-Fransiskoda rəqəmsal platformalarını korona dövründə yavaş-yavaş 100 konteyner tipli “klinikaya” çevirən startap son 3 ildə ən böyük investisiyalarından birini məhz həmin vaxt aldı. Belə ki, Dragoneer Investment Group liderliyində C seriyasının tamamlanmasından 100 milyon dollarlıq investisiya alındı.
2021-ci ildə isə Blackstone Group Horizon liderliyində 350 milyon dollar yatırım alındı. Həmin D seriyası investisiyadan sonra bu günlərdə Carbon Health, yenidən fərqli bir D seriyası investisiya mərhələsindən uğurla ayrılıb. Bu investisiyanın məbləği isə 2020-ci ildə olduğu kimi 100 milyon dollar olub. Bu investisiyanın ardıyca türkiyəli Udemy həmtəsisçisi Eren Balinin bildirdiyinə görə, Carbon startapı Connective Care xidmətini digər ölkələrə doğru genişləndirməyə başlayacaq. Connective Care xidməti isə birinci abzasda bəhs etdiyimiz həkim, xəstə, səhiyyə müəssisələri arasında platformaya verilən bir addır. Qeyd edək ki, bu xidmət ABŞ-də 13 ştatda 1 milyondan çox aktiv istifadəçiyə sahibdir.
Startap ekosistemi xəbərlərini "İnformasiya və Rəqəmsal İnkişaf Agentliyi" ilə tərəfdaşlığımız çərçivəsində oxuyursunuz.
