Tədarük zəncirində baş verən problemlər və iPhone 14 seriyasınakı bəzi modellərin uğursuz satış ədədləri Apple şirkətini artıq narahat etməyə başlayıb. Belə ki, bir neçə həftə bağlı qalan Çindəki ən böyük iPhone istehsalı müəssisəsi Foxconn, ilk növbədə smartfonların bazarda əhəmiyyətli dərəcədə azalmasına səbəb olub. Müəssisənin fəaliyyəti yavaş-yavaş bərpa olsa da Apple şirkəti artıq Vyetnam kimi bir neçə alternativ ölkəyə istehsalı köçürməyə çalışır. Bu da həm vaxt, həm resurs itkisinə yaradır. Digər problem isə iPhone 14 və iPhone 14 Plus kimi modellərin çox aşağı satış ədədləridir. Nəticə etibarilə bu cür hallar şirkətin daha ehtiyatlı davranmasına səbəb olur. Ötən günlərdə M2 Extreme prosessorunun ləğv edilməsi ilə gündəmə gələn şirkət, indi də iPhone SE (4) modelinin ləğv edilməsi ilə diqqət mərkəzindədir.
Məşhur analitik Ming-Chi Kuo iPhone SE (4) modelinin ləğv edildiyini iddia edir
Tananınmış Apple analitiki Ming-Chi Kuo, Apple şirkətinin iPhone SE 3, iPhone 13 mini, iPhone 14 Plus modellərinə olan tələbatın zəif olması səbəbi ilə iPhone SE (4) modelindən imtina etdiyini bildirir. Apple şirkəti yeni iPhone SE modelini iPhone Xr ilə bənzər gövdə üzərində istehsal edəcəkdi. Lakin analitikə görə smartfonun inkişafı, iPhone SE (4) modelinin düyməsiz və Face ID dəstəkli ekranının istehsal xəcləri və.s şirkətin modeli ləğv etməsinə səbəb olub.
Təbii ki, tək problem texniki xərclərdən əlavə dizayn tərəfində də özünü göstərir. Böyük bir ehtimalla Apple şirkəti çərtikli ekran dizaynının artıq dəbə uyğun olmadığını başa düşüb. Bəlkə də yenidən çərtikli dizayna malik smartfon çıxarmaq istifadəçilər tərəfindən rəğbətlə qarşılanmayacağı üçün, şirkət bu dəfə təmkinli davranıb.
iPhone SE (4) ləğv edilməmişdən əvvəl isə, smartfonun A15 Bionic çipsetinə və 6,1 düymlük IPS LCD ekrana malik olacağı gözlənilirdi. İndi isə smartfondan imtina edildiyini nəzərə alsaq, 2024-cü ildə tamamilə fərqli xüsusiyyətlərə malik büdcəvi iPhone SE seriyası model qarşımıza çıxarıla bilər.
