2022-ci il sonlanmağa doğru gedərkən texnologiya şirkətləri müxtəlif tədbirlər keçirməyə davam edirlər. Tədbirlər isə bizlərə maraqlı yeniliklər barədə məlumat gətirir. Belə ki, Google şirkəti də Hindistanda keçirdiyi illik konfransında maraqlı bir yeniliyi anons edib. Böyük bir ehtimlla bu yenilik uzun müddətdir niyə heç kimin etmədiyi deyəcəyiniz qədər maraq doğuracaq. Aydın məsələdir söhbət başlıqdan da gördüyünüz kimi həkimlərin əl yazısını oxuya bilən yeni Google proqram təminatından gedir. Üstəlik digər bir diqqət çəkən məqam isə yeniliyin demək olar bütün Android smartfonlarda olan Google Lens tətbiqində işləməsidir.
Google, həkimlərin əl yazısını tanıyan sistemində güclü süni intellekt alqoritmlərinə güvənir
“Tibbdən insana tərcümə prinsipi” olaraq adlandırılan bu yeniliyi Google şirkətinin həkimlərin əl yazısını tanıyan sistem kimi nəzərdə tuturuq. Lakin əslinə qalsa bu sistemin əsasını əl yazılarını oxuya bilən süni intellekt formalaşdırır. Google şirkəti öz süni intellektini çap yazılarından, əl yazılarını oxumağa doğru genişləndirdiyindən vəziyyəti daha da mürəkkəbləşdirərək birbaşa reseptləri oxuyacaq şəkildə anons edir.
Google Lens tətbiqində aktiv ediləcək bu xüsusiyyət istər şəkildən, istər canlı olaraq hansısa resepti anlaşılan dildə mətni çevirməyə imkan verəcək. Həkmilərin əl yazısını oxuyan xüsusiyyətini Google şirkətinin hansı ölkələrdə anons edəcəyi hələlik məlum deyil. Qeyd edilənə görə yenilik ilk növbədə qarışıq Hind dili modellərində test ediləcək. Cənubi Asiya regionundakı testlər tamamlandıqdan sonra isə digər bölgələrdə yeniliyin aktivləşdirilməsi baş tuta bilər.
