Tarixi 18-ci əsrlərə dayanan Beynəlxalq Vahidlər sisteminə 30 ildən sonra ilk dəfə yeni ölçü vahidləri əlavə edilib. Belə ki, dünyanın ən böyük və ən kiçik ölçülərini ifadə etmək üçün Fransada bir araya gələn beynəlxalq elm adamları səs vermə üsulu ilə yeni ronna, quetta, ronto və quecto prefikslərini sistemə əlavə ediblər. Qeyd edək ki, Beynəlxalq Vahidlər Sisteminə sonuncu dəfə 1991-ci ildə zetta (1021) və yotta (1024) prefiksləri əlavə edilmişdi. Müasir dövrümüzdə isə ölçü vahidlərinə ehtiyac gün keçdikcə artırdı. Xüsusilə kimya sahəsində çoxlu sayda molekulyar birləşmələrin ifadə etmək lazım gəldiyi üçün sistemə yeni vahidlər əlavə edilib. Böyük Britaniyanın Milli Fizika Laboratoriyasının metrologiya şöbəsinin rəhbəri Riçard Braun bildirib ki, yeni prefikslərin adları sadəcə olaraq R və Q hərflərinin başqa dəyərlər üçün istifadə edilməməsi ilə bağlıdır.
Qeyd edək ki, yeni ölçü vahidləri aşağıdakı kimidir:
- Ronna-1027
- Quetta-1030
- Ronto-10-27
- Quecto-10-30
Yuxarıda gördüyümüz kimi Ronto və Quetta daha böyük rəqəmləri ifadə etmək üçün, Ronto və Quecto isə daha kiçik rəqəmləri ifadə etmək üçün nəzərdə tutulub.
Beynəlxalq Vahidlər Sisteminə əlavə edilmiş yeni ölçü vahidləri olduqca böyük ölçüdə olan obyektlər haqqında danışmağımızı sadələşdirəcək. Belə ki, Riçard Braun “Məsafədən çox kütləni nəzərə alsaq, Yerin çəkisi təxminən altı ronnaqramdır” deyə bildirib. Beləliklə əvvəllər yottagram ilə ifadə olunan yer kürəsinin yeni çəkisi 6 ronnagram olaraq ifadə olunur. Həmçinin yeni ölçü vahidlərinin ən azı 20-25 il dünyanın ehtiyacını ödəyəcəyi düşünülür.
