Yaxın günlərdə Honor şirkəti yeni nəsil Honor 80 seriyasını təqdim edəcək. Hətta bununla bağlı smartfonların texniki xüsusiyyətlərindən bəhs etdiyimiz paylaşım etmişdik. Həmin paylaşımdan da bildiyimiz kimi Honor 80 seriyasında 3 model olması gözlənilir və həmin modellər də uyğun olaraq Honor 80 SE, Honor 80, Honor 80 Pro olaraq adlandırılmalıdır. Bu cihazlar isə öz gücünü Dimensity 1080, Snapdragon 782G, Snapdragon 8+ Gen 1 çipsetlərindən alır. Belə ki, Honor 80 seriyasının canlı görüntüləri ilə birlikdə Snapdragon 782G çipseti daxil olmaqla birlikdə bəzi yeni detallar ortaya çıxıb. Dimensity 1080 və Snapdragon 8+ Gen 1 bizə tanış olsa da Snapdragon 782G yeni çipsetdir. Üstəlik, “Snapdragon Summit” tədbirində belə təqdim edilməyib.
Smartfonlar arasında Honor 80 modelinə aid olduğu ehtimal edilən cihazın render görüntüsü daha əvvəl paylaşılmışdı. Ortaya çıxan canlı görüntülərlə birlikdə isə Honor 80 seriyasının hər birinin fərqli dizaynla gəldiyi dəqiqləşib. Honor 80 SE modeli nisbətən Redmi Note 12 Pro modelini xatırladan dizayna malikdir. Honor 80 və Honor 80 Pro modelləri isə daha çox ənənəvi Honor dizaynına sadiq qalıb. Honor 80 seriyasının şəkillərdəki canlı görüntülərinə baxmaqla da özünüz fikir sahibi ola bilərsiniz.
İndi isə biraz Snapdragon 782G çipsetindən danışmaq lazımdır. İddialara görə bu çipset 1 ədəd 2.72 GHz tezlikli Cortex-A78 nüvəsinə, 3 ədəd 2.4 GHz tezlikli Cortex-A78 nüvəsinə və 4 ədəd 1.8 GHz tezlikli Cortex-A55 nüvəsinə sahibdir. Qrafik çipi tərəfində isə Adreno 624L işlədilib. İstehsal prosesi barədə məlumat olmasa da böyük bir ehtimalla Snapdragon 778G+ üzərinə təkmilləşdirmə olduğundan TSMC-nin 6nm texnoloji prosesinə sahibdir. Buna görə də Snapdragon 7 Gen 1 çipsetindən daha yaxşı ola bilər.
Canlı görüntüləri sızdırılan Honor 80 seriyası isə 23 noyabrda təqdim ediləcək. Smartfonlar barədə ətraflı məlumat təqdimatdan sonra sizlərlə paylaşılacaq.
