Apple rəsmi olaraq yeni iOS 16.1 versiyasını uyğun iphone modellərində aktiv edib. Bəzi iphone istifadəçiləri iOS 16 versiyasından istifadə etsə də bu versiyada bir neçə problemlərin olduğu bildirilirdi. Yeniləmə ilə bir yerdə bu versiyada olan problemlər aradan qaldırılıb və rəsmi olaraq iphone modelləri üçün aktiv edilib. Apple ötən gecə iOS-un yeni versiyası ilə birlikdə yeni iPadOS 16 və macOS Ventura versiyalarını da təqdim edib. Müxtəlif problemlərin aradan qaldırılması ilə yanaşı, bu versiya iPhone istifadəçiləri üçün iCloud-da paylaşıla bilən şəkil qalereyası və canlı tədbir dəstəyi kimi ən azı səkkiz yeni funksiyaya sahibdir.
iOS 16.1 versiyasının xüsusiyyətləri
Apple şirkətinin yeni iOS versiyasının Parametrlər > Ümumi > Proqram Yeniləməsi bölməsinə keçid etməklə uyğun iPhone modellərinə yükləmək olar. Bu yeniləmə ilə Apple, iOS16 başlanğıc versiyasında olmayan bir neçə funksiya əlavə edir. Dostlarınız və ailənizlə foto qalereryanızı idarə etmək üçün iCloud-da paylaşılan şəkil qalereyası dəstəyi var. Bundan əlavə, canlı hadisələr iPhone 14 Pro və Pro Max modellərində Kilid Ekranı və Dinamik Adaya əlavə edilir.
iCloud Paylaşılan Şəkil qalereyası funskiyası
- Beş nəfərə qədər foto və videoları problemsiz paylaşmaq üçün ayrıca arxiv yaradır
- Tənzimləmə qaydaları arxiv qurarkən köhnə fotoları başlanğıc tarixinə və ya fotoşəkillərdəki şəxslərə görə asanlıqla qruplaşdırmağa imkan verir
- Bu funksiya qalereyanızı paylaşdığınız hər kəsə şəkil əlavə etmək, redaktə etmək və silmək imkanı verir
- Kamera proqramında olan paylaşma seçimi sizə çəkdiyiniz şəkilləri birbaşa paylaşdığınız qalereyaya göndərmək imkanı verir
Canlı hadisələr funksiyası
- İPhone modelinizdə olan proqramlara aid canlı hadisələri dinamik ada və kilid ekranında tapmaq olar.
Pul kisəsi funskiyası
- Bu funksiya iMessage və WhatsApp kimi mesajlaşma proqramlarından istifadə edərək pul kisəsindən avtomobil açarı, otel otağının açarı və digər rəqəmsal açarları təhlükəsiz şəkildə paylaşmağa imkan verir
Ev funksiyası
- Bu funksiya bir çox ağıllı ev aksesuarlarının ekosistem ilə birlikdə işləməsini təmin edən Matter xüsusiyyətini dəstəkləyir
Apple iOS 16.1 yeniləməsi ilə əvvəlki versiyada olan bəzi problemləri də aradan qaldırıb. Bu problemlərə silinmiş mesajların poçt siyahısında görünməsi, VPN tətbiqindən istifadə edərkən CarPlay funskiyasına qoşulmağın mümkün olmaması kimi problemlər aiddir. Əlavə olaraq qeyd etmək lazımdır ki, bəzi funksiyalar bizim regionumuzda əlçatan deyil.
