OpenAI şirkəti, məşhur ChatGPT süni intellekt çatbotunu Galaxy AI-yə interasiya etmək istəyir. Belə ki, süni intellekt nəhənginin bu məqsəd ilə Samsung ilə danışıqlar apardığı bildirilir.
Samsung smartfonlarında təklif edən GalaxyAI, Google-un Gemini modelləri kimi sənayedəki digər dil modellərindən və texnologiyalardan istifadə edərək süni intellekt dəsti təklif edir. Lakin, yeni məlumata görə ChatGPT-nin arxasında duran OpenAI şirkəti Galaxy AI-də iştirak etmək etmək istəyir. Ümumiyyətlə, Galaxy AI, Cənubi Koreyalı texnologiya nəhənginin bir çox flaqman modellərində təqdim olunur. Hətta Samsung təkcə bu il Galaxy AI-ni 200 milyondan çox cihaza çatdırmağı planlaşdırır. Buna görə də, GalaxyAI, OpenAI üçün əhəmiyyətli bir fürsət təqdim edir.
Xatırladaq ki, Apple və OpenAI şirkəti də oxşar süni intellekt dəsti Apple Intelligence üçün danışıqlar aparmışdı. Hətta aparılan bu danışıqlar internetdə gündəm olmuşdu. Yeni ortaya çıxan iddiaya görə, indiki vəziyyət də buna oxşardır. Əgər Samsung və OpenAI arasında razılaşma əldə olunarsa, Koreya şirkəti Google ilə uzun müddətdir davam edən tərəfdaşlığına görə tarazlıq təmin etməli olacaq. Belə ki, Samsungun həmçinin Gemini tərəfindən dəstəklənən süni intellekt xüsusiyyətlərini gələcək AR ağıllı eynəklərinə inteqrasiya edəcəyi gözlənilir. OpenAI şirkətinin baş direktoru Sam Altman bu ilin əvvəlində Samsung-un yarımkeçirici fabrikinə baş çəkib və süni intellekt çipləri üzrə mümkün əməkdaşlıq imkanlarını müzakirə edib.
