Sənaye mənbələri tərəfindən gələn iddialara görə, Intel şirkətinin iflasa doğru irəlilədiyi bu dövrlərdə AMD smartfon prosessor bazarına daxil olmağa hazırlaşır. Belə ki, şirkət, “Ryzen AI” mobil prosessorları ilə qarşımıza çıxa bilər.
Ümumiyyətlə, AMD brendinin diqqətini mobil sənayeyə yönəltmək istədiyi və bazara APU kimi Ryzen AI markalı məhsulları çıxarmağı planlaşdırdığı əsas iddialara arasındadır. AMD indi smartfon prosessor bazarında lider mövqedə olan Qualcomm və MediaTek ilə rəqabət aparmaq istəyir. AMD-nin hazırda Apple, Qualcomm və MediaTek kimi şirkətlər tərəfindən inhisarda olan seqmentdə rəqabətə girməsi, şübhəsiz ki, texnologiya dünyasına böyük təsir göstərəcək.
Bildiyiniz kimi, Qualcomm Snapdragon X Elite prosessorları ilə ARM əsaslı noutbuk bazarına sürətli bir addım atmışdı. Bundan əlavə, Nvidia və MediaTek brendlərinin də ARM əsaslı Windows noutbukları üçün prosessor hazırladığı artıq hər kəsə məlumdur. Görünən odur ki, AMD şirkəti də oxşar addımı smartfon prosessor bazarına daxil olaraq atacaq. Əslində, AMD mobil prosessor bazarına yad deyil. Şirkətin qrafik prosessorları artıq Samsung-un Exynos çiplərinə daxil edilib və qabaqcıl RDNA şüa izləmə xüsusiyyətlərini və hətta FSR texnologiyalarını telefonlara inteqrasiya edir. Lakin bu ilin əvvəlində AMD və Samsung-un müqavilələrini davam etdirməyəcəyi xəbəri yayılmışdı. Bu son şayiə ilə AMD-nin öz yolu ilə getməsi və Ryzen markalı mobil prosessorları inkişaf etdirmə ehtimalı daha da artır. Əslində bir digər maraqlı məqam da, Nvidia şirkətinin üni intellekt bazarında böyük üstünlüyə malik olması və AMD-nin böyüməsi üçün ona imkan verməməsidir. Ona görə də şirkətin mobil bazara daxil olması onlar üçün müsbət nəticələr verə bilər.
