Robot texnikası və süni intellekt üzərində ixtisaslaşan Figure AI, alman avtomobil nəhəngi BMW-nin istehsal müəssisəsində işləyən insanabənzər robot Figure 02 üçün yenilənmə təqdim edib. Belə ki, yenilənmədən sonra BMW müəssislərində işləyən robotlar insanlardan azı 4 dəfə sürətli olmağa başlayıb.
Alman avtomobil nəhəngi BMW və robototexnika şirkəti Figure AI arasındakı əməkdaşlıq avtomobil istehsalında inqilab etməyə hazırlaşır. İki şirkətin əməkdaşlığı nəticəsində Figure AI-nin insanabənzər robotları bir müddətdir BMW-nin istehsalat müəssisəsində işləyir. Keçən aylarda isə şirkətin ən qabaqcıl robotu Figure 02 yenidən müəssisələrdə işləməyə başlayıb. Ötən gün təqdim edilən yenilənmə ilə isə BMW-də işləyən Figure 02 adlı robotlar əvvəlkindən 4 dəfə sürətli işləməyə başlayıb.
Şirkətdən verilən açıqlamaya görə, Figure 02, 400% sürət artımı və 7 qat daha yüksək müvəffəqiyyət nisbəti ilə istehsal xəttindəki performansını iki qat artırıb. Belə ki, Figure şirkəti, insanabənzər robotun imkanlarını göstərən yeni video yayımlayıb. Şirkətin baş direktoru və qurucusu Bred Adcock, bildirib ki, insanabənzər robot gündə 1000 hissə yerləşdirir. Adcock, daha çox robotun bu göstəricini inanılmaz səviyyədə artıra biləcəyini iddia edir. Videoda həmçinin insanabənzər robotun eni 1 sm-dən az olan sancaq dirəyinin üzərinə yüksək dəqiqlikli metal yerləşdirdiyi göstərilir. İnsanabənzər robotlar getdikcə həyatımızın reallığına çevrilir. Bu gün Tesla başda olmaqla dünyanın hər yerindən şirkətlər həm sənaye, həm də fərdi istifadə üçün uyğun insanabənzər robotlar istehsal etməyə çalışırlar. Bu robotların gələcəkdə demək olar ki, hər sahədə istifadə olunacağı artıq indidən məlumdur.
