Hazırda telefon zəngləri və ya sms vasitəsi ilə fırıldaqçılıq halları əhəmiyyətli səviyyədə artıb. Hətta bu vəziyyət bütün dünyada artıb deyə bilərik. Belə ki, Slovakiyada yaşayan 85 yaşlı qadın, özünü nəvəsi kimi təqdim edən saxta qohumundan fişinq zəngi qəbul edib. Ümumiyyətlə fişinq zəngləri əsasən yaşlı nəsilə qarşı edilən xüsusi fırıldaqçılıq növüdür və dünyada buna qurban olan şəxslər çoxdur. Maraqlısı budur ki, 85 yaşlı nənə onun həqiqətən də nəvəsi olduğuna inanıb və bu da tez-tez ciddi maliyyə itkiləri ilə nəticələnən böyük fırıldaqçılığa səbəb olan üsulun başlanğıc nöqtəsi idi. Lakin təyyarə rejimi yaşlı nənəni sonda 21 min dollarlıq fırıldaqçılıqdan xilas edə biləcək.
Ancaq Slovakiya rəsmilərinin bildirdiyinə görə, bu dəfə hekayə gözlənilmədən xoşbəxt sona çatdı. Belə ki, fırıldaqçı özünü nənəyə inandıra bildikdən sonra ondan hələ də səbəbi bəlli olmayan bəhanə ilə pul verməsini istəyib. Habelə, qurbana bankdan pul götürmək və nəvəsi ilə Banska Bistrica qəsəbəsindəki xəstəxananın yaxınlığında görüşmək təlimatı verilib. 85 yaşlı qadın bank hesabından 21.500 dollar çıxardıqdan sonra xəstəxanaya gəlir. Lakin təsadüfən onun köhnə telefonunda təyyarə rejimi aktivləşir və fırıldaqçı onunla əlaqəyə keçə bilmədiyi üçün 21 min dollarlıq bu fırıldaq xoşbəxt sonla bitib.
Vəziyyəti daha aydın izah edək. Yaşlı qadın mühafizəçilərin birindən telefonundakı bu problemi aradan qaldıra bilmək üçün müraciət edib. Lakin mühafizəçi də köhnə telefonda bu rejimi necə söndürəcəyini bilmədiyi üçün yaşlı qadına öz telefonu ilə onun həqiqi nəvəsinə zəng etməyi təklif edib. Məhz həqiqi nəvə ilə əlaqə saxlandıqda bütün fırıldaq ortaya çıxıb. Əsl nəvə bu vəziyyətdən xəbəri olmadığını bildirdikdə isə yaşlı qadın 21 min dolları yenidən bank hesabına qaytara bilib. Siz siz olun əldə etdiyiniz bütün smslərə və ya zənglərə etibar etməyin.
