Hələ, InMerge Innovation Summit üçün 2 aydan çox vaxt qalsa da sammitin 3 eksklüziv spikeri məlum olub. Belə ki, gələcək aylarda Bakıya Harvard Biznes Məktəbindən tanınmış Linda Hill, Amazon vitse-prezidenti Warner Vogels və nəhayət Venture Capital Initiative direktoru Ilya Strebulaev gəlir. Tedroid Media-nın da media tərəfdaşı olduğu InMerge Innovation Summit-də hər üç spiker öz sahələrində əldə etdikləri təcrübə bilikləri sammitin qonaqları ilə paylaşacaqlar.
Linda Hill, Biznesin İdarə Edilməsi üzrə Professoru və Harvard Biznes Məktəbində Liderlik Təşəbbüsü Fakültəsinin sədridir. Ümumiyyətlə, sammitin 3 eksklüziv spikerlərindən olan Hill liderlik və innovasiya üzrə ən yaxşı ekspertlərdən biri hesab olunur. O, The Art and Practice of Leading Innovation kitabının həmmüəllifi, Paradox Strategies-in həmtəsisçisidir. Hill, innovasiya prosesini sürətləndirmək üçün süni intellekt və maşın öyrənməsindən istifadə edən InnovationForce şirkətinin də həmtəsisçisidir. 2021-ci ildə Thinkers50 tərəfindən dünyanın ən yaxşı on idarəçi mütəfəkkirlərindən biri seçilən Hill 2015-ci ildə Thinkers50 İnnovasiya Mükafatını alıb. Bir çox beynəlxalq konfranslarda çıxış edən Linda Hill, məhz öz təcrübələrini bizimlə paylaşmaq üçün “InMerge Innovation Summit”-də çıxış edəcək.
Warner Vogels, Amazon şirkətinin baş texnologiya direktoru və daxili texnologiya innovasiyalarına cavabdeh olan vitse-prezidentdir. Qeyd edək ki, Vogels Amazonda geniş daxili və xarici məsuliyyətlərə malikdir. Vogels öz kariyerasına məhz 1985-ci ildən kompüter elmlərini öyrənməklə başlayıb. Bir çox şirkətlərdə baş elmi işçi olaraq çalışan və daim özünü təkmilləşdirən Vogels nəhayət 1997-ci ildə Kenneth Birman və Robbert van Renesse ilə birlikdə Reliable Network Solutions Inc şirkətini qurub. Vogels-in Amazon kariyerası isə 2004-cü ildən sistem tədqiqatları üzrə direktor kimi başlayıb. 2005-ci ildən isə o, baş texnologiya direktoru və vitse-prezident olaraq çalışır. Warner çalışdığı onlarla il boyunca əldə etdiyi təcrübələri və bilikləri texnologiya həvəskarları ilə paylaşmaq üçün Bakıya gəlir.
“InMerge Innovation Summit”-də çıxış edəcək 3-cü eksklüziv spiker isə Venture Capital Initiative direktoru professor Ilya Strebulaev-dir. O, korporativ maliyyə, vençur kapitalı və özəl kapital, korporativ innovasiyalar, innovasiya ekosistemləri və maliyyə qərarlarının qəbulu üzrə ekspertdir. Onun son elmi məqalələri vençur kapitalı ilə dəstəklənən şirkətlərin qiymətləndirilməsini, vençur kapitalı və özəl kapital investorlarının qərar qəbul etmə proseslərini, korporativ vençur kapitalını və vençur kapitalının təsirini araşdırıb. Professor Strebulayevin əsərləri aparıcı akademik jurnallarda geniş çap olunub və o, bir sıra nüfuzlu mükafatlara layiq görülüb. New York Times, Wall Street Journal və Harvard Business Review kimi qəzetlərdə əsərlərini dərc etdirməyi bacaran professor öz sahəsindəki xüsusi detalları məhz InMerge Innovation Summit-ə gələn qonaqlarla paylaşacaq.
10-11 Oktyabr tarixlərində Bakı şəhərində baş tutacaq InMerge Innovation Summit üçün bilet əldə etməyə tələsin. Məhz müvafiq olaraq işarələdiyimiz bu linkə keçid etməklə siz eksklüziv spikerlərin təcrübələrini dinləmək və onları yaxından görmək şansını əldə edə bilərsiniz.
