Nəhayət uzunmüddətdir gözlənilən an gəldi çatdı və Samsung yeni Galaxy Tab S9 seriyasını, o cümlədən Galaxy Watch 6 ağıllı saatlarını təqdim etdi. Qeyd edək ki, texnologiya nəhəngi bu ilk dəfə olaraq Unpacked tədbirini öz vətənində, Seul şəhərində təşkil edib. Həmçinin tədbirdə yeni Tab S9 planşetlərindən və Galaxy Watch 6 ağıllı saatlarından əlavə yeni Galaxy Z Fold 5 və Z Flip 5 modelləri də təqdim edilib. Gəlin ilk öncə yeni Tab S9, Tab S9+ və Tab S9 Ultra planşetlərindən başlayaq.
Samsung Galaxy Tab S9 seriyası bizlərə nə təklif edir?
Yeni təqdim edilən Galaxy Tab S9 və Tab S9+ planşetləri Snapdragon 8 Gen 2 çipseti ilə təchiz edilib. Bundan əlavə Tab S9 modeli 11 düymlük, Tab S9+ isə 12.4 düymlük Dynamic AMOLED 2x ekran panelinə sahib olub. Həmçinin hər iki modelin ekran paneli 120 Hz yenilənmə tezliyinə sahibdir. Kamera tərəfində isə Tab S9 modeli arxa tərəfdə 13MP ön tərəfdə isə 12MP genişbucaqlı olmaqla iki kamera sensoru ilə təchiz edilib. Seriyanın digər Tab S9+ modeli isə arxa tərəfdə 13MP əsas, 8MP geniş-bucaqlı kamera sensorları ilə təchiz edilib. Bunda əlavə batareya tərəfində də hər iki model fərqlənir. Tab S9 modeli 8400 mAs batareya həcminə sahib olduğu halda S9+ modelində bu rəqəm 10090 mAs olub. Hər iki planşet Wi-Fi 6E, Wi-Fi Direct Bluetooth v 5.3 kimi texnologiyalar və Android 13 əməliyyat sistemi ilə təchiz edilib.
Samsung Galaxy Tab S9 Ultra modelinin digər versiyalardan fərqi ekran, kamera və batareya tərəfindədir. Belə ki, Tab S9 Ultra modeli 14.6 düymlük Dynamic Amoled 2x ekran paneli ilə təchiz edilib. Həmçinin planşet arxa tərəfdə 13MP əsas, 12 MP geniş-bucaqlı kamera sensorlarına sahib olub. Batareya tərəfində isə planşet 45 Vatt sürətli şarj dəstəkli 11200 mAs batareya ilə təchiz edilib. Qeyd edək ki, planşet AKG səs sistemi, Eye Comfort xüsusiyyəti, HDR10+ xüsusiyyəti kimi bir çox yeniliklərə də sahib olub. Ümumilikdə Tab S9 modeli 8-128GB, 12-256GB, Tab S9+ modeli 12-256GB, 12-512GB və Tab S9 Ultra modeli isə 12-256GB, 12-512GB, 16-1TB yaddaş seçimləri ilə təklif olunur. Qiymət tərəfində isə Tab S9 799$, Tab S9+ 999$, Tab S9 Ultra modeli isə 1199$ başlanğıc qiymətinə sahib olub.
Yeni Galaxy Watch 6 seriyası hansı yeniliklərə sahibdir?
Qeyd etdik ki, Samsung Tab S9, Galaxy Z Flip 5 və Fold 5 modellərindən əlavə olaraq Galaxy Wach 6 ağıllı saatlarını təqdim edib. Belə ki, yeni seriyaya Watch 6 və Watch 6 Classic modelləri aid olub. Hələ ötən günlərdə orta çıxmışdı ki, yeni Samsung Galaxy Watch 6 ilə hərşeyin temperaturunu ölçmək olacaq. İndi isə koreyalı brend yeni saatlarını rəsmi olaraq təqdim edib. Yeni ağıllı saatlar əvvəlki modellərdə olduğu kimi sağlamlıq funksiyalarına sahib olacaq. Həmçinin Watch 6 modeli 40 və 44mm, Watch 6 Classic isə paslanmaz polad korpusa malik olmaqla 43 və 47mm versiyalarda təklif olunur.
Yeni ağıllı saat modelləri dizayn cəhətdən sələflərinə bənzəsə də, indi daha incə çərçivələrə və daha böyük korpusa sahib olub. Ən əhəmiyyətlisi isə əvvəllər gördüyümüz hərəkətli çərçivə xüsusiyyəti artıq yeni seriya ilə geri qayıdıb. Texniki tərəfə nəzər yetirsək deyə bilərik ki, sadə Watch 6 modeli 1.3 düymlük 432×432 təsvir ölçülü və 1.5 düymlük 480×480 təsvir ölçülü AMOLED ekranlara sahib olub. Yeni Galaxy Watch 6 Classic modeli üçün də eyni ekran panelləri keçərlidir. Hər iki ağıllı saat modeli 5nm Exynos W930 çipseti ilə təchiz edilib. Bundan əlavə modellər 2GB operativ, 16GB daxili yaddaş ilə təklif olunur. Batareya tərəfində isə Watch 6 modelləri 300 mAs və 425 mAs batareya həcminə sahib olub.
Yuxu izləmə, oksijen miqdarını hesablama, temperatur ölçmə, EKG, bədəndəki yağ miqdarını ölçmək və digər funksiyalara sahib olan Galaxy Watch 6 modelləri versiyalarından fərqli olaraq 28.7 və 33.3 qram ağırlığındadır. Galaxy Watch 6 Classic modelləri isə müvafiq olarq 52 və 59 qram ağırlığa sahib olub. Onu da qeyd edək ki, Watch 6 və Watch 6 Classic modelləri müvafiq olaraq 299 və 399$ başlanğıc qiymətinə sahibdir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
