Samsung şirkəti bu gün keçirdiyi Galaxy Unpacked tədbirində yeni nəsil qatlana bilən smartfonlarını təqdim edib. Aydındır ki, söhbət Galaxy Z Fold 5 və Galaxy Z Flip 5 modellərindən gedir. Smartfonlardan danışsaq hər iki Galaxy Z seriyası modelləri sələfi ilə müqayisədə əhəmiyyətli dizayn dəyişikliyinə məruz qalmayıb. Lakin yenə də vacib dəyişikliklər gətirib.
İlk vacib dəyişiklik Galaxy Z Fold 5 modelinin yeni qatlama mexanizmi cəhətdən özünü göstərir. Belə ki, Galaxy Z Fold 5 modeli artıq tamamilə hər iki panel bir-birinə yapışacaq qədər sıx qapanmağa bacarır. Bu yeni mexanizmə Samsung Flex adını verən şirkət həm cihazı 10 qram yüngül, həm də nazik etməklə qalmayıb, eyni zamanda hər bucaq altında rahatlıqla qatlanmış vəziyyətdə dayana bilən hala gətirib. Keyfiyyət baxımından isə istifadə edilən dayanıqlılığı artırılmış alüminium gövdə sabitdir. Galaxy Z Flip 5 modelində isə ən böyük dəyişiklik qapaq ekranında müşahidə olunur.
Cihazlar nə vəd edir?
Hər iki smartfon öz gücünü Snapdragon 8 Gen 2 çipsetinin Samsung üçün xüsusiləşdirilmiş variantından alır. Xüsusilə Galaxy Z Fold 5 modelində istiliyin daha rahat ixrac edilməsi üçün təkmilləşdirilmiş soyutma sistemindən istifadə olunur. Xüsusilə buxar qazanı əsaslı soyuducu lövhənin ölçüsünün böyüdüyü bildirilir.
Sadəsindən başlasaq Galaxy Z Flip 5 modeli 6.7 düymlük Dynamic AMOLED 2X FHD+ təsvir ölçülü adaptiv 120Hz görüntü yeniləmə tezliyi dəstəkləyən ekran panelinə sahibdir. Xaricdə isə 3,78 qat böyüdülmüş 3.4 düymlük AMOLED ekran paneli istifadə edilib ki, “720×748 piksel” təsvir ölçüsünə malikdir. Smartfonun daxili və xarici ekranı Gorilla Glass Victus 2 ilə qorunur.
Galaxy Z Fold 5 modelinin daxilindəki 7.6 düymlük qatlanan ekranın da ölçüsü cihazın kiçilməyinə baxmayaraq sabit qalıb. Bunun da səbəbi kənar çərçivələrin azalmasına bağlıdır. Daxildə də 120Hz adaptiv tezlikli Dynamic AMOLED 2X ekran paneli işlədilib. Təsvir ölçüsü isə 2176×1812 pikseldir. Ekrandakı qırışlar tam yox olubmu sualına cavab isə, heyfislənərək xeyr cavabını verəcəyik. Lakin ümumilikdə əvvəlki nəsillərlə təkmilləşmə mövcuddur. Ekran isə 30% daha parlaq olub 1750 nitdir.
Smartfonun ölçüsü qısalmaqdan əlavə, xarici ekranın kənar çərçivələri də azaldılıb deyə ekranın səth sahəsindən itkiyə gedilməyib. Yəni daha kompakt ölçülü smartfonun xarici ekranı hələ də 6.2 düymlük 120Hz tezlikli adaptiv görüntü yeniləmə tezliyinə sahib Dynamic AMOLED 2X ekran panelinə sahibdir. Təsvir ölçüsü isə 2316×904 pikselı çatıb.
Galaxy Z Fold 5-in kamera konfiqurasiyasına gəldikdə Galaxy S24+ modelindəki ilə bənzər konfiqurasiyasına malikdir. 50MP ISOCELL GN5 əsas sensoru OIS və EIS ilə gücləndirilib. İkinci 10MP sensor isə 3 qat optik yaxınlaşdıra bilən telefoto kamerasıdır. Üçüncüsü və son sensor isə yenə 12MP təsvir ölçülü 123˚ ultra-geniş bucaqlı kameradır. Smartfonun 2 fərqli ekranı üzərinə selfi kameraları yerləşdirilib. Qapaq üzərindəki selfi kamerası 10MP, daxildəki qatlanan ekranın altına yerləşdirilmiş selfi kamerası isə 4MP təsvir ölçüsünə malikdir.
Galaxy Z Flip 5 parametrlərinə baxdıqda isə mühim bir dəyişiklik yoxdur. Ötən il Galaxy Z Flip 4 modelində quraşdırılmış 12MP F/1.8 baş kamera sensoru Galaxy Z Flip 5 modelinə köçürülüb. Eyni zamanda OIS stabilizatoru ilə gücləndirilib. İkinci sensor isə 12MP F/2.2 123˚ ultra-geniş bucaqlı kameradır. Selfi kamerası isə 10MP olmaqla yüksəliş əldə etməyib.
3700 mAs həcmli batareya ilə təchiz edlimiş Galaxy Z Flip 5 modeli 25 Vatt naqilli, 15 vatt naqilsiz şarj dəstəkləyir. IPX8 sertifikatı üzrə suya qarşı dayanıqlı olsa da diqqətli olmağınız məsləhətdir. Digər cihazımız isə 4400 mAs batareyaya sahib olub 25 Vatt naqilli, 15 vatt naqilsiz şarj imkanına malikdir.
Smartfonların qiyməti nə qədər olacaq?
Azərbaycanda yaxın vaxtlarda rəsmi mağazalarda satışda olacaq smartfonların qiyməti hələlik naməlum olaraq qalır. Avropa qiymətlərinə baxdıqda Galaxy Z Fold 5 modelinin 12/256GB yaddaşa malik variantı üçün 1900 avro, Galaxy Z Flip 4 modelinin 8/256GB yaddaşa malik variantı 1299 avro qiymətdən başlayır.
