Rəqabətə qarşı liderlik əldə etmək üçün Apple şirkəti TSMC-nin bütün N3 çip təchizatını özü üçün götürdüyü bildirilir. Bilməyənlər üçün, N3 TSMC istehsalı birinci nəsil 3nm prosesidir və çox güman ki, A17 Bionic çipsetinin və M3 prosessorunun kütləvi istehsalı üçün istifadə olunacaq. DigiTimesin verdiyi məlumata görə, yüksək gəlirli olduğu deyilən N3 tədarükünün 100 faizini Apple öz üzərinə götürüb. Hesabatda bir məbləğ qeyd edilməsə də, çox güman ki, Apple TSMC şirkətinin təqdim etdiyi 3nm qiymət artımı ilə razılaşıb. Hətta şirkət hələlik təchizatı əldə etmək üçün böyük məbləğlər ödəməyə hazırdır.
Apple şirkətinin milyonlarla iPhone və Mac satmaq qabiliyyətini nəzərə alsaq, TSMC-nin N3 təchizatını ən gəlirli müştərisinə təyin etməsi düzgün biznes qərarıdır. Bununla belə, Qualcomm və MediaTek də növbəti sırada olduğu deyilir. Lakin hesabatda eyni N3 texnologiyasının Snapdragon 8 Gen 2 çipsetindən daha erkən təqdim olunacağı deyilən Snapdragon 8 Gen 3 çipsetinin kütləvi istehsalı üçün istifadə edilib-edilməyəcəyi naməlumdur. TSMC həmçinin N3E texoloji prosesini elan etməyə hazırlaşır. Qualcomm və MediaTek kimi şirkətlər də TSMC-nin istehal xəttini genişləndirməsini istəyirlər. Bu il başda Qualcomm olmaqla, MediaTek ilə birlikdə bütün flaqmanlarında TSMC istehsal prosesindən yararlanırlar. 3nm prosesi 4nm texnoloji prosesə nisbətən enerji səmərəliliyinin 35% yaxşılaşdırılmalıdır. Bu da bu ilki yeni iPhone modellərinin, yəni iPhone 15 Pro və iPhone 15 Pro Max modellərinin yenə də sələflərindən ciddi üstünlüyə sahib olacağını ortaya qoyur.
