Xiaomi Civi seriyası hardan ortaya çıxdı desəniz, xüsusilə erqonomik və büdcəvi smartfon axtaranlar üçün yaradıldı. Təqdimatında qadınlara görə hazırlandığı dəfələrlə vurğulanan bu model böyük ölçüsünə baxmayaraq sadəcə 167 qram çəkiyə sahib idi. Üstəlik həm arxa qapağı, həm ekranı yanlardan qıvrıldığı üçün əldə tutmaq rahatlaşdırılmışdı. Ən qalın yeri 6.98 mm təşkil edirdi. Xiaomi Civi seriyası ötən il sırf Çin bazarı üçün nəzərdə tutulduğundan, qlobal bazara gəlmədi. Lakin xüsusiyyətləri ortaya çıxan Xiaomi Civi 2 seriyası ilə bağlı yeni detalların timsalında bu seriyanın qlobal bazara açılacağı deyilir.
Yenilənmiş Xiaomi Civi 2 seriyası hansə xüsusiyyətlərə sahib olacaq?
Xiaomi Civi 2 modelinin dizaynı və gövdə elementləri ilə bağlı məlumat olmasa da texniki xüsusiyyətləri artıq sızdırılıb. Xİaomiui resursu MIUI qaynaq kodlarına görə cihazın Snapdragon 7 Gen 1 çipsetinə sahib olduğunu bildirir. Sələfi ilə eyni ölçüdə olan 6.55 düymlük 120HZ AMOLED ekranı FHD+ təsvir ölçüsünə malik olacaq.
Çin mənşəli mənbələrə görə 50MP əsas kamerası OIS stabilizatoru ilə gücləndiriləcək. 8MP ultra geniş bucaqlı, 2MP makro kameraları quraşdırılacaq. Selfi kamerası isə 32MP təşkil edəcək. 4500 mAs batareyası 67 Vt sürətli şarj dəstəkləyəcək. Bəzi detallar Xiaomi Civi modeli ilə həddindən artıq bənzərdir. Böyük bir ehtimalla Xiaomi Civi 2 seriyası sələfi ilə müqayisədə dizayn cəhətdən biraz dəyişdiriləcək, Snapdragon 7 Gen 1 çipsetinə və 50MP əsas kameraya yüksəltmə olacaq.
Ən vacib məlumat isə Xiaomi Civi 2 modelinin qlobal bazara da çıxarılacağıdır. Xiaomiui resursu tərəfindən verilən məlumata görə Xiaomi 12 Lite NE və Xiaomi 13 Lite ola biləcək naməlum adlı eyni cihaz qlobal bazar üçün də hazırlıq mərhələsindədir. Əsasən Honor seriyasına rəqib olacaq bu model, təqribi 1000AZN səviyyələrində bazara daxil ola bilər. Xiaomi Civi 2 seriyası isə bu ay və ya ən gec növbəti ay anons ediləcək.
