Elm adamlarının yeni bir araşdırmasına görə Apple AirPods 2 və AirPods Pro qulaqlıqları bəzi hallarda 10 min dollar dəyərə sahib olan eşitmə cihazlarıdan daha effektiv performans göstərir. Araşdırmalara görə ABŞ-da 12 yaşından yuxarı olan hər 8 nəfərdən birinin hər iki qulağında eşitmə zəifliyi olsa da, eşitmə cihazı ala bilmir. Buna səbəb isə müasir dövrdə eşitmə cihazlarının qiymətlərinin yüksək olmasıdır. Elm adamları bu mövzu barəsində araşdırma etmək qərarına gələrək Apple brendinin qulaqlıqlarını 10 min dollarlıq eşitmə cihazına qarşı sınaqdan keçiriblər. Araşdırmanın əsas məqsədi isə bu qulaqlıqların yüngül və orta dərəcədə eşitmə zəifliyi olan insanlara nə dərəcədə kömək etməsini müəyyən etmək olub.
Bildiyimiz kimi, bəzi Apple AirPods qulaqlıqları eşitmə cihazları kimi istifadə oluna bilir. Qeyd edək ki, şirkət bu funksiyanı iOS 14 ilə birlikdə istifadəyə vermişdi və bu funksiya Live Listen adlandırılmışdı. Belə ki, bu funksiyadan istifadə etmək üçün sadəcə olaraq Apple qulaqlıqlarını iPhone-a qoşmaq lazımdır. Live Listen funksiyası normal eşitmə qabiliyyəti olan insanlar üçün fərdi səs gücləndirmə vəzifəsini yerinə yetirir.
Araşdırma zamanı Apple qulaqlıqları, 10 min dollarlıq eşitmə cihazı və həmçinin 1500 dollarlıq eşitmə cihazından istifadə olunub. Bu cihazlar yüngül və orta dərəcədə eşitmə qabiliyyəti olan 21 iştirakçı ilə sınaqdan keçirilib. Nəticədə Airpods Pro qulaqlığı 1500 dollarlıq eşitmə cihazı ilə eyni performansı göstərib. Lakin, 10 min dollarlıq eşitmə cihazından bir qədər geri qalıb. Sınaqdan keçirilmiş cihazlar arasında ən az performansı AirPods 2 qulaqlığı göstərib. Araşdırmadan sonra elm adamlarının fikrinə görə yüngül və orta dərəcədə eşitmə zəifliyi olan insanlar başlanğıc üçün Apple qulaqlarından istifadə edə bilərlər.
