Elon Musk OpenAI şirkətini satın almaq üçün 100 milyard dollarlıq təklif edib!

Elon Musk bu dəfə OpenAI şirkətinə etdiyi təklif ilə gündəmdədir. Belə ki, Elon Musk-ın rəhbərlik etdiyi bir konsorsium ChatGPT-nin ana şirkəti olan OpenAI-ni satın almaq üçün təxminən 100 milyard dollarlıq və ya 97.4 milyard dollarlıq təklif edib.

Ümumiyyətlə, Musk uzun müddətdir ki, OpenAI-nin baş direktoru Sam Altman ilə mübahisə edi. O, süni intelelkt şirkəti və rəhbərliyinin OpenAI-ni xeyriyyəçilik kimi təqdim etdiyini iddia edərək, şirkət və Altmana qarşı bir sıra hüquqi şikayətlər verib. Habelə, Musk, OpenAI-nin süni intellekt alətləri ilə qazanc əldə etməyə çalışaraq nizamnaməsini pozduğunu iddia edir. OpenAI, daha böyük şirkətin strukturunda mövcud olan OpenAI LP adlı kommersiya şirkətinə nəzarət edən qeyri-kommersiya təşkilatı tərəfindən idarə olunur. Kommersiya məqsədi daşımayan bu şirkət OpenAI-ni cəmi bir neçə il ərzində demək olar ki, 0-dan təxminən 100 milyard dollar dəyərə sahib şirkətə çevirib.

İlk dəfə “Wall Street Journal”da çıxan xəbərə görə, Maskın nəhəng sərmayəsi ona süni intellekt şirkəti X.AI-yə rəqib olan şirkətdə əksər nəzarəti əldə edə bilər. Qeyd edək ki, cavab olaraq, Altman X-də yazdığı bir yazıda "Xeyr, təşəkkür edirəm, amma istəsəniz, Twitter-i 9. 74 milyard dollara ala bilərik" deyə açıqlama verib. Ümumiyyətlə, Musk öz bəyanatında OpenAI-ni orijinal açıq mənbəyə və təhlükəsizlik yönümlü missiyasına qayıtmağa çağırıb. Bu addım OpenAI-nin gələcəyi ilə bağlı Sam Altman ilə rəqabəti dərinləşdirir və qeyri-kommersiya təşkilatlarının texnoloji innovasiyaların idarə edilməsində rolu ilə bağlı müzakirələrə səbəb olur.