Huawei yeni Wi-Fi 7 routerini Xiaomi 13 Pro və iPhone 13 Pro ilə sınaqdan keçirib!

Həyatımızın bir parçasına çevirilən internet texnologiyası gün keçdikcə təkmilləşir. Belə ki, Huawei şirkəti yeni Wi-Fi 7 xüsusiyyətinə sahib routerini sınaqdan keçirib. Sınaq zamanı brendin yeni AirEngine 8771-X1T routeri Xiaomi 13 Pro ve iPhone 13 Pro smartfonlarına qoşulub və internet sürəti ölçülüb. Qeyd edək ki, Wi-Fi 7 texnologiyası daha sürətli və daha güclü siqnallarla təchiz edilmiş internet təmin edir. Sınaq Çin universitetində keçirilib. Sınaq zamanı 3 smartfon routerə qoşulub. Bunlar Wi-Fi 7 rejimində olan Xiaomi 13 Pro, Wi-Fi 6 rejimində olan Xiaomi 13 Pro və Wi-Fi 6rejimində olan iPhone 13 Pro modelləridir.

Huawei şirkətinin Wi-Fi 7 texnologiyalı routeri nə qədər sürətli internet ötürə bilir?

Çin universitetində keçirilən sınaq nəticəsində məlum olub ki, Huawei Wi-Fi 7 routeri Xiaomi 13 Pro modelinə Wi-Fi 7 rejimində 4315.73 Mbit/s yükləmə sürəti, Wi-Fi 6 rejimində isə 2104.33 Mbit/s yükləmə sürəti ötürə bilir. Wi-Fi 6 rejimində olan iPhone 13 Pro modeli 991.98 Mbit/s yükləmə sürəti əldə edib. Qeyd edək ki, Wi-Fi 6 rejimində orta gecikmə 10 ms olduğu halda, yeni Wi-Fi rejimində bu göstərici sadəcə 4 ms-dir. Sınaq nəticəsinə uyğun olaraq qeyd edə bilərik ki, yeni Wi-Fi 7 rejimin daha yüksək məlumatı daha sürətli şəkildə ötürə bilir. Belə ki, yeni texnologiya sələfindən 2 dəfə sürətlidir.

https://twitter.com/MrDengLi/status/1651771763993329664?ref_src=twsrc%5Etfw%7Ctwcamp%5Etweetembed%7Ctwterm%5E1651771763993329664%7Ctwgr%5E2bbbe27693c1db7d726bdf6336ee6d46d5bd3112%7Ctwcon%5Es1_&ref_url=https%3A%2F%2Fwww.huaweicentral.com%2Fhuawei-tests-wi-fi-7-on-phone-4x-faster-than-wi-fi-6%2F

Ümumiyyətlə isə Huawei şirkətinin Wi-Fi 7 texnologiyasına malik olan AirEngine 8771-X1T routeri 7 yüksək sürətli giriş portuna malikdir. Həmçinin cihaz 18.67 Gbit/s-ə qədər məlumat ötürə bilir. 10GE hibrid optik portu 300 m məsafəyə qədər internet ötürə bilir.