Google Android smartfon və planşetlərinin mobil əməliyyat sisteminin növbəti əsas versiyası, Android 14 əməliyyat sisteminin ilk tərtibatçı önizləməsini təqdim etdi. Google Pixel 7 Pro modeli başda olmaqla bir neçə Pixel telefonuna quraşdırıla bilən versiya adından da göründüyü kimi yalnız tərtibatçılar üçün nəzərdə tutulub. Google şirkəti Android 14 ilə gözləmə rejimində batareya ömrünü artırmağı planlaşdırır. Həmcinin Google Android 14 ilə böyütmə səviyyəsini də 200% artıracaq.
Android istifadəçilərinin problemi olan “Bloatware” tətbiqləri də artıq Android 14 ilə həll olunur. Bu Android telefonlarında uzun müddətdir davam edən problemdir. Telefonlar istifadəçinin heç vaxt istifadə etməyəcəyi bir sıra proqramlar və oyunlarla yüklənir. Burada söhbət operatorlar, smartfon istehsalçıları və smartfonlara əvvəlcədən öz tətbiqlərini quraşdırmış üçüncü tərəf şirkətlərdən gedir. Quraşdırılan proqramlar arxa planda işləyir və lazımsız formada resurs istehlakını artırır.
Android 14 ilə Google istifadəçilərə arxa fonda quraşdırılmış proqramları izləməyi asanlaşdırır. Xüsusilə, üstdə sadaladığımız “bloatware” tətbiqləri Android 14 əməliyyat sistemində istifadəçilərə aydın göstərilir. Üstəlik, istifadəçi burada sadalanan istənilən proqramı iddialara görə silə biləcək. Bu pəncərə hələ tərtibatçılar üçün də aktiv edilməsə belə, tərtibatçılar əməliyyat sistemini analiz etdikdə tətbiqlər menyusu daxilində bu xüsusiyyətin aktiv edləcəyini ön görürlər.
Android 14 əməliyyat sisteminin təhlükəsizlik arxitekturasında ən böyük dəyişiklik Google şirkətinin köhnə Android versiyalarında işləyən proqramların quraşdırılmasını bloklamasıdır. Android 14 artıq SDK22 və ya daha köhnə versiyasını hədəfləyən tətbiqləri dəstəkləməyəcək. Həmçinin, APK formatında da quraşdırıla bilməyəcək. Android 14 tərtibatçısının önizləməsini indi Pixel 4a 5G, Pixel 5, Pixel 5A 5G, Pixel 6, Pixel 6 Pro, Pixel 7 və Pixel 7 Pro modelləri üçün yükləmək mümkündür. Hal-hazırda Android 14 tərtibatçı önizləməsində olasada beta versiyasının aprel ayında buraxılması planlaşdırılır.
