Samsung şirkəti əgər bir məhsulu üçün yüksək keyfiyyətli reklam hazırlayırsa, əksər hallarda bunun bir səbəbi olur. Şirkət həmin məhsulu yaxın vaxtlarda istifadəçiyə təqdim etməzdən əvvəl bazarda fikir formalaşdırmağa çalışır. Aydın məsələdir ki, reklama böyük büdcə ayıran Samsung şirkətinin reklamları daim hər birimizdə maraq yaratmağı bacarır. Sosial mediada pişiklərin bu cür sevildiyi bir vaxtda reklamda əsas obyektin pişik seçilməsi də diqqətimizdən yayınmır. Daha çox piksel, daha çox detal fəlsəfəsi ilə hazırlanmış reklamda ISOCELL HP1 200MP kamera sensorunun hünərləri göstərilib. Şirkət 200MP təsvir ölçülü mobil sensorun nə qədər bacarıqlı olduğunu göstərmək üçün böyük reklam posteri hazırlayıb. Düşündüyünüz kimi, həmin reklam posterindəki pişik şəkli məhz bu sensor vasitəsilə çəkilib.
ISOCELL HP1 200MP nəyə qadirdir?
Samsung ISOCELL HP1 200MP kamera sensoru əslində ötən ilin sentyabr ayı təqdim edilib. ChameleonCell texnalogiyasından yararlanan HP1 200MP sensoru, mühitdən asılı olaraq ikiyə iki, dördə dörd və ya tam piksel rejimlərində işlədilə bilər. 16.384 x 12.288 təsvir ölçülü sensorun hər bir pikselinin ölçüsü 0.64μm təşkil edir. Samsung tərəfindən hazırlanmış bu reklamda 200MP təsvir ölçüsünə sahib görüntünün nə qədər detallı ola biləcəyi önə çıxarılıb. Hələ tam optimallaşdırılmamış kamera sensoru ilə şəkil çəkmək həqiqətən də çox çətin işdir. Buna baxmayaraq, komanda canlı, hərəkətli bir obyekt ilə işləmək qərarı verib. Mövzu olaraq pişiyin seçilməsi kamera ilə bağlı təfərrüat yaranmasına çox yaxşı təsir göstərib. Mühəndislər özləri belə HP1 200MP sensorunun nəticələrinə inana bilməyiblər.
ISOCELL HP1 200MP sensoru prototip smartfona bərkidildikdən sonra pişiyin görüntüləri qeydə alınmağa başlanılıb. 616㎡ görüntünü bir dəfəyə çap etmək də mümkün olmayıb. 2.3 metr uzunluğunda 12 fərqli qumaş parçaya görüntü çap edilib və tikilərək birləşdirilib. Kamera sensoru ilk dəfə Xiaomi 12 Ultra modelində qarşımıza çıxacaq deyə gözləyirdik. Lakin Xiaom şirkəti bu sensorla o qədər də yaxından maraqlanmır. Ola bilsin ki, Motorola istehsalı modeldə elə əslində ISOCELL HP1 quraşdırılsın. Həmin smartfonun iyun ayında təqdim edilməsi planlaşdırılır.
