Xiaomi şirkətinin yeni nəsil Xiaomi Civi 2 modeli haqqında ötən həftə sizlərə danışmışdıq. Hansı ki, qlobal bazarda Xiaomi şirkətinin potensial Lite variantı kimi hazırlanmaqda olan modeldən söhbət gedirdi. Çinin Weibo sosial şəbəkəsi üzərindən Xiaomi şirkəti Civi 2 modelinin təqdimat tarixini təsdiqləyib. Uyğun olaraq smartfonun texniki xüsusiyyətləri və render görüntüləri internetə sızdırılıb. Bütün detallar barədə sizlərə danışacağıq, lakin hər şey bir kənara fərqli bir detal diqqət çəkir. İndiyə qədər Redmi K30 modelindən sonra istifadə edildiyini xatırlamadığımız ikili selfi kamerası Xiaomi Civi 2 modelinə quraşdırılıb. Üstəlik tam mərkəzə yerləşdirilən ikili selfi kamerası istifadəçilərdə iPhone 14 seriyası bənzərliyi fikri yaradıb.
İPhone 14 seriyasındakı Dinamik Ada xüsusiyyəti Xiaomi Civi 2 ilə bu modeldə qarşımıza çıxa bilər?
Bu mövzu ilə bağlı maraqlı fikirlər ötən həftə ortaya çıxmışdı. Bir paylaşımın altında “Redmi K60 modelində dinamik ada gözləyirik” yazan istifadəçiyə Lu Weibing tərəfindən “Dinamik adaya həqiqətə ehtiyacınız varmı?” deyə sual ünvanlanmışdı. Bu rəyin cavablanması onu göstərir ki, Xiaomi şirkəti həqiqətən belə bir xüsusiyyəti öz cihazlarına quraşdırmaqla bağlı araşdırma aparır. Həmin mövzudan sonra Xiaomi Civi 2 modelində mərkəzə yerləşdirilmiş ikili selfi kamerasını görmək isə insanları xeyli təəccübləndirib. Qeyd etməliyik ki, bu smartfon uzun müddətdir inkişaf mərhələsində olduğundan iPhone 14 seriyası ilə bənzərlik əslində, o qədər də məntiqli deyil. Açıqlamalarda deyilənə görə Xiaomi Civi 2 modeli ikili selfi kamerası iıə yalnız keyfiyyəti artırmağı hədəfləyir. Smartfona hansısa dinamik ada funksiyasının rəsmi olaraq əlavə edilməsi nəzərdə tutulmayıb. Lakin üçüncü tərəf temaları yükləyərək dinamik ada funksiyasını özünüz quraşdıra biləcəksiniz.
Təqdimatdan əvvəl smartfonun texniki xüsusiyyətlərindən də biraz bəhs edək. Elə ən birinci Xiaomi Civi 2 modelindəki ikili selfi kamerasına nəzər salaq. İndiyə qədər 20MP selfi kamerasından əl çəkməyən şirkət bu smartfona 2 ədəd 32MP təsvir ölçülü selfi kamerası quraşdırıb. Selfi kameralarından biri standart baxış bucağına sahib olsa da digəri 100° ultra-geniş bucaqlı obyektivə malikdir. Nəticədə selfi kamerasının dar baxış bucağı problemindən bu modeldə əziyyət çəkmirsiniz.
Smartfonun öz gücünü Snapdragon 7 Gen 1 çipsetindən aldığı deyilir. 6.55 düymlük AMOLED ekran paneli 120Hz görüntü yeniləmə tezliyinə malikdir. Arxa tərəfdə 50MP Sony IMX766 əsas, 8MP ultra-geniş bucaqlı, 2MP makro kameraları quraşdırılıb. Xüsusilə arxa tərəfdə 2 fərqli sensorun bir kamera modulu daxilində birləşdirilməsi görünüşü xeyli gözəlləşdirib. 4500 mAs batareyası 67 Vt sürətli şarj dəstəkləyir. Sızdırılan texniki xüsusiyyətlər bunlardır. Nə qədər doğru olduğunu isə 27 sentyabrda keçiriləcək təqdimat tədbirindən sonra öyrənə biləcəyik.
