Azərbaycan startapı Glorri, "Google for Startups Cloud" proqramına qəbul haqqı qazanıb!

İşəgötürmə proseslərinin vahid mərkəzdən idarəolunması və karyeranın inkişafı üzrə innovativ bir platforma və yerli startap olan Glorri 2020-ci ildən fəaliyyət göstərir. Platformanın əsas məqsədi təkmili proqram təminatı vasitəsilə işəgötürmə prosesini ağıllı, çevik, sürətli, rahat və nizamlı şəkildə həyata keçirməkdir. Vahid bir baza üzərindən namizədlərin peşəkarlıq səviyyəsinin təhlili ilə Glorri platforması mümkün xətaları aradan qaldırır və optimal səviyyədə işçi qəbulunun həyata keçirilməsini təmin edir. "İdeal yerdə yanlız uğuru hədəfləyən komandalar" devizi altında fəaliyyət göstərən Azərbaycan startapı Glorri, ötən gün mükəmməl uğura imza atıb. Belə ki, həmyerlilərimiz Google şirkətinin "Google for Startups Cloud" proqramına qəbul olub.

"Google for Startups Cloud" proqramı onlayn resurslara yüksək ehtiyacı olan layihə və startaplara ciddi töhfə verməsi ilə tanınır. Belə ki, Glorri startapı bu proqram daxilində "Google" şirkətindən "Cloud" kreditləri, "Google Cloud" təlimi, biznes və texniki dəstəyin artırılması yönündə geniş təkliflər alacaq. "Google for Startups Cloud" proqramına qəbul olan "Glorri" startapı, qarşıdakı 2 il ərzində "Google Cloud" və "Firbase" servisləri üçün 100.000 dollara qədər kredit əldə edəcək. Proqramın ikinci ilində isə xərclərin 20%-i qarşılanacaq və 100.000 dollara qədər ehtiyat kredit ayrılacaq.

Glorri startapı hal-hazırda Kontakt Home, AzərTürkBank, Unibank, AccesBank, CodeAcademy kimi tanınmış şirkətlərin işəgötürmə servislərinin təminatçısı rolunda çıxış edir. Platformanın direktoru və həmtəsisçisi Anar Qasımlıdır.

https://tedroid.com/startap-marketinq/tedroid-uvodo-startapi-ile-musahibe.html